يا الله

يا الله يـا مالـكٍ انسـه مـع جنّـه
والخلق بيديـك تصريفـه وتدبيـره
تبرج لعبـدٍ جـداه مجـاذب الونّـه
يلعب به الهم من ديره الـى ديـره
لا ناموا الناس حن القلب لـه حنّـه
ودقت اهمومه طبولٍ واشتغل زيـره
صبرت للهم واعلن حربـه وشنّـه
وجيشه علىالمعركه صفت طوابيره
وكبّرت بالله وسقت الخيـل بالعنّـه
وهزمت جيشه وجيشي ضده مغيره
ونصرني الله بصبر كم لـي اكنّـه
اصبر وصدري ما ياسع حبة اشعيره
وجات السوالف بزين اللبس تزهنّـه
لا سمعت الصوت مني ساقها غيره
قالوا حضرنا نجاوب صوتك وغنّـه
مادام تبغي الطرب جبنـا مزاميـره
والوقـت عاملتـه بدينـاره ويـنّـه
عوّد يبيع السلع مـن دون تسعيـره
ما عاد ميزت سعر الهيل مـن بنّـه
كيف العرب صار مثل الببس والبيره
فيا وارد العد جـود حبلـك وثنّـه
علمني الوقت امس الحبل واغيـره
فالله ولا الفزعه اللـي بعدهـا منّـه
الفزعه اللـي تمـن.الله ولا غيـره
لو كان تخرجني من النـار للجنّـه
رجا الله ابدى من ابن ادم ومن خيره
فالطيّب اللي يجي ضني على ضنّـه
وان زل منّا حـدٍ مـا قـل تقديـره
واللاش لا اخطى علي والله ما احنّه
ادور لغلطتـه واحــب تعـزيـره
كل من الناس له مذهب ولـه سنّـه
ذا الوقت ما عاد تعرف للبشر سيره
والحسد ما يمنع الفنـان مـن فنّـه
بالعكس يمكن يزيد الفـن تطويـ

قصيده رائعه
لاهنت الله يعطيك العافيه
تحياتي واحترامي

طرح مميز يالغالي

لاهنت وبيض الله وجهك على القصيده الرائعه

تقبل تحياتي

وفالك الطيب

ابياات رائعه وحروف عذبه

سلمت الايادي
يعطيك الف عافيه

دمت بخير