أهلاً هلا بك عدد ما هل همالي ... ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين

سيدنا ونبينا محمد وعلى آله وصحابته أفضل الصلاة وأتم التسليم

أخواني الكرام إداريين ومشرفين وأعضاء الموقع الرسمي لقبائل بني منبه شهران العريضة

وفقكم الله جميعاً لما يحب ويرضى من القول والعمل

وبعد:

هذه القصيدة ( من الأرشيف ) مهداة لأخي وصديقي الغالي / مبارك بن ناصر بن منيس الجهمي

بعد عودته من دورة تدريبية في معهد الإدارة بمدينة الرياض

وهي بعنوان :

أهلاً هلا بك عدد ما هل همالي

يقول من هو بدا فـي المرقـب العالـي =يالله يالله حـــقـــق لــــــه مـطـالـيـبــه
يـا والله اللـي فقدنـا الصاحـب الغالـي =بونـاصـر يــا عـسـى الأيـــام تلفـيـبـه
الصاحب اللـي غـلاه بكـل الأحوالـي =يـزيـد ويـزيــد مـــن قـلّــة عـذاريـبـه
يالله عسـى كـل مـرجـوجٍ لــه نعـالـي =واللي حكى الـزور والبهتـان والغيبـه
بـو ناصـر يـا عسـى تفـداك الأنذالـي =والـلـي عيـونـه دوامٍ فـــي عراقـيـبـه
ما كل من سار في ذا الكـون رجالـي =ولا كـل مـن لبـس ثـوبٍ زان تهذيـبـه
ترى الرجاجيـل يـا بوناصـر أشكالـي =مثـل الجبـل يختـلـف لـونـه وتركيـبـه
فيـهـم صـنـاديـد للـعـسـرات شـيَّـالـي =وفيهـم شيـوخٍ تــودي العـلـم وتجيـبـه
وفيهـم صديـقٍ صـدوقٍ مالـه أمثـالـي =وفيهـم صديـقٍ يقفـي لا أمـتـلا جيـبـه
وفيهم عريب الجـدود وطيـب الخالـي =تلقـاه لا مــن رمــت الأيــام بمصيـبـه
ما هوب لا من زهمته قـال مـا جالـي =واللـي صفـاتـه رديــه ويــش نبغيـبـه
ممشـى مــع الطيّبـيـن يـوسـع البـالـي = يالصّاحب الغالـي اللـي طـول الغيبـه
ياللـي جنابـه عزيـز وصعـب ينهالـي =مثـلـك لـيـا غــاب عـنـا يــوم ندريـبـه
وكـم مـن نهـارٍ نشدنـا عنـك ونسـالـي =وأحسن خبـر يـوم قالـوا بـاح تدريبـه
فـأهـلاً هـلابـك عــدد مـاهـل همـالـي =ويـا مرحبـاً بـك مية مليـون ترحيـبـه
والختم صلوا عدد ما أمطر وما سالي =وعـداد مـن حـج ولاّ زار فــي طيـبـه
على شفيع البشـر فـي يـوم الأهوالـي =محـمـد المصطـفـى والخـيـر يدعيـبـه

وسلامتكم جميعاً

أسأل الله لنا ولكم ولجميع إخواننا المسلمين التوفيق والسداد للقول والعمل الصالح

في هذه الدنيا وفي الآخرة إنه هو السميع المجيب

وتقبلوا خالص التحايا من محبكم