|
الموقع الرسمي لقبائل بني منبه شهران العريضة |
|
www.bnymnbh.com |
وابلغ من يحب الجمايل تحياتي
عشيّت الاحد والقابله ليلة الاثنين= اقلّب دفاتر ما مضى لي وما فاتي
واعاتب وافكر واتذكر من الغالين= واجر الونين بداخل الذات من ذاتي
يسرّح بي الهاجس ويضوي مع الضاوين=وتخنقني العبرات في بعض الاوقاتي
ظروف الزمان تشيّب الراس لا ذالحين= واراعي الظروف ولالقيت المراعاتي
فخر كل عبدٍ لالتزم في عراوي الدين= ولا عزّةٍ بالبهرجه فالمنصّاتي
ادوّر على الاولى ولكن مدري وين =وتوجهت للاخرى ورحت بمتاهاتي
ياربي عليك امري توكّلت بك ونعين= تدل الذي تاهت به الاتجاهاتي
زرعت الرجا بمفرج الكرب قاضي الدين= ولاغيره اللي يستمع في مناجاتي
واجامل مع العالم وكنّي من السالين= مافكرت فالدنيا لاراحت ولاجاتي
واجمّل بني عمّي ولاني قصير ايدين=لاما احتمى الميدان بتبين وقفاتي
صبورٍ على الدنيا واهدّي دموع العين=على ماجرى لي من علوم ومحساتي
فلانيب هافي وانزل لمستوى الهافين=ولانيب من سوى لنفسه دعاياتي
لكن من يكيل المدّ باكيل له صاعين= على شان يعرف ويش معنى العداواتي
ضعاف النفوس تحاول تنقّص الوافين= على شان تبقى في محيط المساواتي
وانا ناشي بالطيب مع جملةٍ ناشين= نبي نعانق نجوم الفلك والمجراتي
هذا موجزي ياقاصي الناس والادنين= وابلغ من يحب الجمايل تحياتي
18-05-12, 08:16 PM
#3
رد: وابلغ من يحب الجمايل تحياتي
قصيده في غاية الروع
لاعدمناك
ولاعدمنا جديدك
ودي وتقديري
26-05-12, 02:08 AM
#4
رد: وابلغ من يحب الجمايل تحياتي
قصيد رائعه
الله يعطيك العافيه
تحياتي واحترامي
26-05-12, 05:55 PM
#5
رد: وابلغ من يحب الجمايل تحياتي
29-05-12, 03:41 AM
#6
رد: وابلغ من يحب الجمايل تحياتي
ولك التحيه والتقدير ... واصل ابداعك يامشعل
قصااايدك تشدني كثيراااا
الله يوفقك ويسدد خطااااك ويحقق لك ما تمنى يالغالي
أدوات الموضوع
انواع عرض الموضوع
ضوابط المشاركة