يالله يا مجري الهبايب والأنسام = يا سايقٍ الغيث جوف الغمامه
وأحييت به بيدا لها عدة أعوام = من مرّها يجعل همامه همامه
وأخرجت نبت تاكله كل الأنعام = وبيّنت درب الحق والإستقامه
والنّاس قاسمهم إلى عدّة أقسام = مسلم وكافر ما عليهم علامه
وفوارقٍ في الفكر ماهو فالأجسام = ولا هو بزين الشكل ولاّ الوسامه
الفرق في العقل المقاوم للأوهام = وفكرٍ سويٍ يعتلي كل هامه
فيارب تحفظنا على دين الإسلام = ومن الفتن يارب نرجوا السلامه
وإجعل عملنا خالصٍ مابه آثام = ومنزالنا الفردوس يوم القيامه
وعسى معزي مكرم الخاص والعام = اللي بنا حكمه وجوّد إحزامه
على الشريعة بانيٍ كل الأحكام = وكتاب رب البيت مصدر نظامه
ما هو بدستور ومن صنع الأزلام = دستور رب الكون صعب إنهزامه
عساه في الفردوس يبنى له خيام = وفي جنة الخلد إيتوثق مقامه
وبعده تولاّها رموزٍ وحكّام = رموز حق وعدل وأهل الإمامه
سعودٍ وفيصل ثم خالد لها قام = وفهد وعبدالله تسلّم إزمامه
وبنوا صروح المجد عامٍ بعد عام= وعشنا الرغد عيشة وفاه وتمامه
واليوم في محفل مطاليق وإحشام = أهل الكرم والجود وأهل الزعامه
في كسبهم للطيب ياتيهم إعرام = وجمع الصفوف أصبح شعار وعلامه
هذا اللقاء السادس بعد خمسة أعوام = وفي كل عامٍ إجتماع وكرامه
ومكرمين كل فارس وضرغام = والمجد حازوا منه ذِروة سنامه
حازوا سنام المجد ما هو بالأحلام = وكلٍ ثبت وأثبت وجوده بعامه
وروس شهران وكل كفوٍ ومقدام = تشهد له أفعاله وراعي شهامه
له قسم وافي من جزيلات الأقسام = ويستاهل النشمي يشاد بمقامه
نبا بني عمي ظهر عبر الإعلام = والواهبي مضرب مثل بإحترامه
للحق حق وللخطا ضد وإرغام = ويظهر بيومٍ مثل يوم الرغامه
مرٍّ على كبود المعادين وإكعام = لا جاء نهار كاثرٍ به قتامه
وألذ من ذكرى الليالي والأيام = للصاحب اللي وافيٍ في كلامه
ومن غير نقص في القبايل والأقوام = كل آدميٍ له مقامٍ وقامه
الحر بيّن لو بعشه ولا حام = يفرق مطيره عن مطير الحمامه
وأتلا الكلام الله ينصر هل الشام = ويذل بشارٍ ويكسر إعظامه
وصلوا عدد من يلبس لباس الإحرام = وإعداد من صلى وطاف بمقامه
على رسولٍ حطم أنواع الأصنام = صفوة بني آدم وخاتم ختامه