ياربعي أهل الجود وأهل المواجيب
اللي لهم بالمجد مكسب وعنوان
من القمم ماتعرف الا المراقيب
أقولها وأثبت من القول برهان
حيث المكاسب من خيار المكاسيب
تازن على الناموس والحق ميزان
بالصوت لو يقنب عوى الذيب للذيب
صوت الكريسي يحسب بمر الأزمان
ياعزوة تارد قراح المشاريب
وتجازي الاحسان من رد الاحسان
زرب الغرايس قابسات المشاهيب
فرسان بالميدان لاقيل فرسان
والشيخ بن شعمول عنوان للطيب
راعي الكرم للضيف والجار والعان
ماقد لحقه من النشاما عذاريب
هذا كلام وكاد مافيه بهتان
واحنا ورا تحقبق كل المطاليب
والله يبارك في مساعي هل الشان
دام النبا بالعز فيه التعاجيب
اخوان بالشدات تبقى مع اخوان
نبغى الصحيب يعرف قدر الاصاحيب
لاضربت الأمثال لفلان وفلان
نبغى نودي كلمة الحق ونجيب
للفرد لامنه تمكن بالامكان
نبغا كناية تغمر الشب والشيب
للخير مقصوده على طرق بيبان
نبغا لنا الامجاد تستبعد العيب
واللي زرع يجني من الزرع بستان
ونحوز منصب من كبار المناصيب
ونصير ذخر للملا تو الأعيان
والوقت يعطينا دروس وتجاريب
حقايق يظهر بها أشكال وألوان
نكتب سنام العرف وسط المكاتيب
اليا أمطر المعروف بالوجد هتان
داموا لها سقم العدا والمحاريب
لاماحتمى الوطيس ثم ثار دخان
كلمات / بندر عايض ناصر كتو الشهراني