مبروك لك .. فوز العنود العنيده = يا حاتم قريش العريقة بالأفعال
حاتم قريش أهل الفعول المجيده = وفعلك وجودك يا حسن مضرب أمثال
وجبت العنود أم الوصوف الفريده = البكرة اللي ما تبي سوط وعقال
ناموسها في كل يومٍ تزيده = والرقم الأول تنفرد به وتختال
الفوز والناموس شيخه عقيده = حسن شويمي ما بها شك وجدال
وبإسمي وإسم شهران جاتك أكيده = مبروك يا حاتم وتستاهل الفال
في ظل أبومتعب وخوه وعضيده = يا الله وفقهم على مر الأجيال
حكامنا اللي حافظين العقيدة = وبالعدل والإحسان يبنون الآمال