رد: هدوئي ليس حاله من العزله ولكن هكذا هم الملوك
وجٌهت وجهي شمال وخاطري بالجنوب ... وايقنت ان العقل ما يحكم العااطفه
بجد ودي اتـوب ولكن ازريت اتـوب ... قارب نجاتي عجز لا ينطح العااصفه
ان قلت يا نفس يكفي كـل هذي ذنـوب ... تـقول دامـي اشوفه آسـفه آسـفه
اصبحت (روما) توديلك جميع الدروب ... والخيل كلٌه على مدهالكم عـاسفه
ناصفتني في حياتي لين صرت محـسوب... حتى فؤادي من اجلك يالغلا ناصفه
وانت انتهزت المحبه واهتويت الهروب ... ساعة عرفت ان قدرك لمعته لاصفه
لو كان لاوصـاف زينك امتحان ورسـوب ... اعيدها الف مرُه ماقدرت آصفه
من يوم قفيُت حال الشمس ثابت غروب ... ماهو كسوف الطبيعه وحشتك كاسفه
حتى القمر ضاع نوره واكتساه الشحوب ... ماهو خسوف الطبيعه وحشتك خاسفه
وشفيك خالط مفاهيم الهوى فـ الحروب ... كني هدف وانت تصرخ قاصفه قاصفه
لا غبت ما فيه شيٍ في غيابك ينوب ... ما عاد لي حل غير العبوه الناسفه
|