قصيدة الشيخ /فيصل بن علي بن جريب في سبيع

بسم الله الرحمن الرحيم

قصيدة موجه للشيخ /فالح بن حمود وجماعته اللحامين الصملة سبيع بمحافظة الخرمة وشكراً لهم على ماقامو به من حسن أستقبال وكرم الظيافة

انا شاعر وأحكم القاف البديع = كلمتي بين العرب يحكابها

قلتها قول المهادي في الفديع =خابراًمدلولها واسبابها

بيض الله وجيه ربعاً من سبيع = فالح وربعه ومن سمابها

نزلهم عانه على الخط السريع = لابتٍ للضيف تشرع بابها

ياذرى الخرمه ويا السد المنيع = دونها البزل صريف انيابها

جعل ذيك الدار همال الربيع= من سهول احزومها لهضابها

دار مروين المشوك والبتيع = دون عانيها ودون أصحابها

دونها كم طيحو هامة شجيع = وكم خيولاً صيدرت بأسلابها

مشبعين الخصم زقوم وظريع = وجارهم تدراه مثل أقرابها

بيننا وأنتو غلاماً مايضيع = وشرهة الجابه على من جابها

يا خوال عمر ويا المجنى الرفيع = افتخر والضو من شبابها

يوم عمي العود من جرح وجيع = علته ماحد يعرف أطبابها

لين جاه عمر من الملفا فزيع = واعتلى ظهر الفرس واقفى بها

ورد مالٍ قد غدا قبله مزيع = وانتصر والخيل من ركابها

وخيب الله واحد ينسى الصنيع = يارجال ماظفر حرابها

تردعه بالحرب والضرب الشنيع = لين يعلن توبةً ما تابها

حكمة الله عرفتنا بالجميع = يا لحامين ومن يعنى بها

لو نساوم في غلاهم ما نبيع = والغلا في الناس حسن آدابها

واصلين بالمكارم كل ريع = ماتنوخ بالحمول اركابها

والله إنا في الصميلي ما نطيع = ون نصانا حاجته نسعى بها

تمت وصلوا على الهادي الشفيع = عد بيوت الله ومن صلى بها

بيض الله وجه الشيخ : فيصل بن علي بن جريب ال سرار

ولا هي غريبة عليه

وهو من نسل الفارس والشاعر بن سرار

القائل ( ان عشت يارسي كـسيتك عمامه××× ون مت يارسي فدتك العمايم )

وسبيع يستاهلون المدح على موقفهم المشرفه

وشكرا لك ولا تحرمنا من قصائد الشيخ فيصل حفظه الله

واصلح له المال والذريه

تقبل تحياتي

وفالك الطيب

مرحبا بك ملايييييييييييييييييييييييييييييييين
وصح اللسانك وبيض الله وجهك
نور موقعنا

وجهك ابيض ولاهنت يالشاهين أن شالله الجاي أكثر تحياتي

البقاء وصح بدنك ياسيف بني منبه ونور نورك ياغالي تقبل تحياتي.

بيض الله وجهك يالغالي..
صح لسانك ولسان الشاعر ..
والله لا يهينك ..
تقبل مروري المتواضع ..

صح لسانك ولسان الشاعر
لاهنت بيض الله وجهك
لاهنت تقبل تقديري

وجهك ابيض يابو عامر مشكور على مرورك تحياتي

صح بدنك يا صـــــقر بني منــبـــه ومشكور .

صح لسانه
لاهنت على النقل
تقبل مروري
تحياتي وودي وتقديري
د.الفارس