إحراج الحريم من أطفالهم ههههههههه - الموقع الرسمي لقبائل بني منبه شهران العريضه

اوسمتي · #1 11-11-11, 01:37 AM

السلام عليكم و رحمة اللّه و بركاته

بالموضوع التالي بعض مواقف محرجة ..
و لما أقول محرجة يعني مـحـررررجـة !!

واللّه يخلي الأطفال ... يسوون جو ....

و اللي ذاكرين المواقف أمهاتهم

بس شوفوا ...

^

تقول وحده من الأمهات .. كنت معزومة على حفل عشاء فأخذت بنتي الصغيرة معي ، فلما جلسنا حول البوفيه ظنت انه مطعم وقالت بصوت عالي :
(هذا الأكل بفلوس و إلا ببلاش) ؟؟

^

والثانية .... جانا ضيوف وجابوا معهم هدية للمولود الجديد فكان ابني يريد يفتحها
فقلت له اصبر حتى لين ما يروحون , صار يدخل ويطلع ولما مل الولد من الانتظار دخل وقال بصوت مرتفع ....
(خلاص بفتحها شكلهم بينامون عندنا !!!!)

^

و وحدة تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له : إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم
( لا تخلصون العشاء لأنا بنتعشى أنا وأمي بعدكم )
شوفوا وجه أبوه وقتها ....!!!

^

وحدة تقول ....بنتها دايم تحرجها بنقل الكلام قدام الناس – هذا عيب اللي يحش بالناس -
تقول : مرة كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي :
( يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!!)
تقول الأم : صار وجهي مية لون ....!!!!
ويوم سمعت جارتي هذا الكلام زعلت وطلعت من البيت

" هذي تستحق ...........

^

أيضاً في المدرسة ...طفلة في الروضة كانت تعبث بأنفها أثناء الحصة ....
فانتقدتها المعلمة وقالت لها استعملي المنديل عيب اتسوين كذا فأجابت الطفلة
(لا مو عيب !! بابا يسوي كذا !!!!)

^

دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع..
فرد الطفل بلهفة لإنقاذ أمه من المأزق :
(( لا تحطين لها صحن ثاني ترى بابا يقولها لا تكثرين أكل انتفختي !!! ))

وبالنهاية في حفظ الرحمن ورعايته ...