مرني طيف الغرام وذكرياتك

مرني طيف الغرام

مرني طيف الغرام وذكرياتك
,,,,يا مسا همس الوليع ويا صباحه

روّحت لي الف همسه من شفاتك
,,,,والرهين الروح من يطلق سراحه

زيّني وجه الليالي من صفاتك
,,,,واحرمي حلم القطيعه من نجاحه

وقّفي للشمس من اربع جهاتك
,,,,والشبه يعطيك حق الاستباحه

ارسلي فيّ الغلا من طيب ذاتك
,,,,واتركي طير الفرح يرقا جناحه

ابعديني عن مرامي فلسفاتك
,,,,واطلقي كل الاعنّه للصراحه

هاتي اجمل شي من قصة حياتك
,,,,وامنحيني شي من تلك المساحه

اثبتي للمهتوي قوّة ثباتك
,,,,واغرقي راع السماحه با السماحه

عانقي حشمة شموخك في عباتك
,,,,وزاحمي حشمة شموخي با البراحه

امنعي كيد العطا من معطياتك
,,,,وصافحي كف الوفا راحه براحه

يا حلا جدّك حلا ومجاملاتك
,,,,يا حلا كل الحلا بيدك وشاحه

مرني طيف الغرام وذكرياتك
,,,,يا مسا همس الوليع ويا صباحه

امنعي كيد العطا من معطياتك
,,,,وصافحي كف الوفا راحه براحه

مبدع يابو مهند

سلمت وطاب فالك الغالي

تقبل تحياتي

لاهنت يا ابو مهند
بيض الله وجهك
لك مني اجمل تحيه

اقتباس:
المشاركة الأصلية كتبت بواسطة الشاهين

امنعي كيد العطا من معطياتك

,,,,وصافحي كف الوفا راحه براحه

مبدع يابو مهند

سلمت وطاب فالك الغالي

تقبل تحياتي



الإبداع يكمن في مرورك المعطر
دمت ودام مرورك

اقتباس:
المشاركة الأصلية كتبت بواسطة صقر بني منبه

لاهنت يا ابو مهند

بيض الله وجهك
لك مني اجمل تحيه

وجهك أبيض يابوعايض
لاعدمنا هالطلة
تقديري لمرورك

بومهند صح لسانك ولسان الشاعر

تقبل تحياتي واحترامي

اقتباس:
المشاركة الأصلية كتبت بواسطة عبدالله المنبهي
بومهند صح لسانك ولسان الشاعر

تقبل تحياتي واحترامي



صح بدنك يابوسعيد
دمت بود

ابـو مهنــــد
قصيدة في منتهى الجمااااال
أبدعت في النقل
تسلم على هذا الإختيار
ننتظر جديدك المميز
تقبل بصمتي بكل شفافيه..

اقتباس:
المشاركة الأصلية كتبت بواسطة صرخة أنثى
ابـو مهنــــد
قصيدة في منتهى الجمااااال
أبدعت في النقل
تسلم على هذا الإختيار
ننتظر جديدك المميز
تقبل بصمتي بكل شفافيه..

هلا والله ياصرخه
بصمتك وتواجدك هنا
أضاف الكثير لمتصفحي
دمت بود

طرح مميز وجميل

اشكرك يابو مهند

وودي وتقديري