المثـــــــــلوثـــــــة

بسم الله الرحمن الرحيم
السلام عليكم ورحمة الله وبركاته
الجريش
أغسلي كاسين جريش بماء دافي بعدين نقعيه في ماء مغلي لمدة ربع ساعة في هذي الفترة أغلي لبن على النار تقريبا لتر ونصف والأفضل يكون حامض عشان يطلع طعم الجريش مضبوط بعدي أفرمي2 بصل ابيض وحطيه على اللبن وحطي ملح تقريبا ملعقتين كبيرة وملعقة كبيرة كمون مطحون وقالب **دة وحركيها على النار حتى يفوح بعدين حطي عليه الجريش بعد ماتصفينه من الماء وحبحر أحمر وغطيه وأقصري على النار مررررررررررررررة وأتركيه 3ساعات ممكن يحتاج مويه حسب نوع الجريش بعد 3 ساعات أفتحي الغطاء ودقي الجريش بمغرفة الأكل حتى يميع ويصير جاهز
ثانيا
القرصان وهو اللي محرصة أنت عليه
قطعي لحم قطع صغار بدون عظم أحمسي بصلة وحطي عليها اللحم وأحمسيها معه إلي أن يشد بعدين حطي عليها كاس طماطم معصورةوخليها لما تتسبك ثم تقريبا 3كاسات ماء مغلي وحطي ملح وشوي بهارات وفاصوليا مقطع تقريبا 2سم وجزر مكعبات صغار وأتركيها على النار نصف ساعة بعدين حطي معه قرع أصفر مقطع بحجم الجزر وأتركيه على النار ربع ساعة يعني تصير إيدام
أحمسي بصلة ثانية بس ب**دة وخليها لما تتحمر بعدين حطي عليها ملعقة كبيرة بهارات مشكلة
جيبي قرصان و**ريها في طاسة كبيرة
بعدين جيبي حافظة طعام وحطي طبقة قرصان ناشفة بعدين مغرفتين إيدام بعدين البصل المحمر بال**دة والبهارات واستمري على هذي الطريقة إلى أن تخلص الكمية اللي معك بس لاحظي أن القرصان تشرب أيدام بعدين أخلطي الطبقات كلها مع بعض إلى أن يتشرب القرصان الإيدام لازم تكون رخوة وتصير جاهزة

ثالثا
الرز
أسلقي دجاجة أو لحم بالملح وأعواد القرفة وحبات هيل وليمون أسود وبعد السلق حمريها خذي موية السلق وحطي الرز عليها وقرون فلفل أخضرعلى النار حتى يشرب الرز بعدين حطي علية بصل محمر بال**دة والبهارات وتصير جاهزة

شكرا لك اخوي عبدالله
وبيض الله وجهك
تقبل مروري

اقتباس:
المشاركة الأصلية كتبت بواسطة ابن طلق

شكرا لك اخوي عبدالله

وبيض الله وجهك
تقبل مروري

اشكرك على مرورك

الله يعطيك العافيه
تحياتي واحترامي

اقتباس:
المشاركة الأصلية كتبت بواسطة صقر بني منبه

الله يعطيك العافيه

تحياتي واحترامي

بوعايض اشكرك على المرور

بيض الله وجهك
والله يعطيك
ألف
ألف
ألف
عافييييييه

سلمت يداك
دام هذا العطاء المتميز