مرحوم ياسلطان

واحزن ياللي صابنا ما يطاقي=لحظة رحيلٍ قطّرت دمعت العين
مكسور خاطر .. قلبي ابه انحراقي=يوم الموادع ياولي العهد الامين
الكون من فرقاك ذاليوم ضاقي=والشعب والحكّام حزناً معانين
والدمع من فرقاك ذاليوم راقي=والشعب من فرقى ابو خالد حزينين
خيّم علينا الحزن بعد الفراقي=والله يجعلنا عبادٍ صبورين
فمرحوم يابو الارمله والمعاقي=مرحوم ياعون الضعوف المساكين
سلطان فرحة كل من جاه هاقي=سلطان رجّح في جميع الموازين
سلطان نجمٍ ساطعٍ في الافاقي=سلطان وقفاته تداوي العليلين
سلطان رقمٍ صعب...درعٍ مواقي=يدير قواته وشعبه هنيّين
سلطان عدٍّ عذب حلو المذاقي=عدٍّ قراح ويروي اللي المحيمين
وسلطان ذكره حيّ مامات باقي=سلطان باقي حيّ مامات لالحين
فمنّيه لايوم الحشر والتلاقي=مرحوم ياسلطان نسل السلاطين

مشعل الشهراني

خيّم علينا الحزن بعد الفراقي

والله يجعلنا عبادٍ صبورين

صح لسانك يابو جمعان وبيض الله وجهك
مرثيه رائعه من شاعر مميز

رحم الله الامير سلطان واسكنه فسيح جناته
شكرا لك اخوي مشعل
تقبل مروري ولك ودي وتقديري

قصصصيده و مميزه

ربي يعطيكـ آلف عافيه

لاهنت يا عسل

تقبل مروري و شكري

قصيدة رائعه
لاهنت بيض الله وجهك
تحياتي واحترامي

خيّم علينا الحزن بعد الفراقي
والله يجعلنا عبادٍ صبورين

شكرا لك يابوجمعان

على هذه القصيده الرائعه

ورحم الله سلطان رحمة واسعة

وبيض الله وجهك

وفالك الطيب

صح لسانك يابو جمعان
والله يرحم الامير سلطان

صح لسانك اخوي مشعل
ولا هو غريب عليك الوفاء والطيب

نسأل الله ان يرحم الامير سلطان
سلطان الخير ويسكنه فسيح جناته
ووالدينا وجميع المسلمين

تقبل مروري وتحياتي وتقديري
دمت شاعرا مبدعا متألقا