يا مرحبا حيّاك والطيف طيفك

يا مرحبا حيّاك والطيف طيفك = طيف الغرام اللي يروح ويجيني
يروح ويجي ويتعّذب وليفك= حتّى ولو ماكنت فكّرت فيني
وفوق الشداد ان كنت ... فكري رديفك= ومعزّبٍ لك مدّ لك باليميني
معزّبٍ ما جاب لك ما يعيفك = واسمع وصاتي له وهرجي يقيني
((يافكر ياللي دايم الشوق ضيفك= كرّم جنابه والله اللي يعيني
هات السمين وقندّ دلال كيفك = واعدل مزاجٍ بين عسرٍ وليني
ولا تشغل هجوسٍ تحرّى نكيفك = الصبر باح وتذرف دموع عيني
وما دام قلبي بالتّرجي حليفك = وفّه مطاليبه وهات السميني
واليا اتفق ظنّي وكيفي وكيفك= داحمت قوتها وجنبي متيني
وان كان ما سدّيت ياحيف حيفك = قطع العلاقه صار بينك وبيني))

لــ مشعل الشهراني