كرسي الطفولة*_*

لقااااااافتي جااابتني هنااا

1/ هل كنت مشاغب أوكنت على نياتك وهادئ؟؟

كنت اشييل البيت فوق راسي بس ..اما ع نياااتي هذي ابدا مو فيني

2/ هل كنت طفل مميّز عند شخص ما؟؟ يعني كنت أغلا البزراآآن

وإلا طفل عادي؟؟

مميزه عند ابوووي بحكم اني اول بنت ..كان ياماكان الغلا جاو بعدي ناااس وطيروني

3/موقف حصلّك وأنت صغير وللحين مأثر فيك؟؟

ماا اتذكر

4/ أكبر عيديّة آخذتها ..كم كآنت ..ومنْ من ؟؟؟ وش كان شعورك وقتها؟؟

من جدي الله يرحمه ..100 ..شعوري دخلت البقاله من الحمااس قلت لراعي البقاله تراني بشتري بقالتك منك ههههه و جلست ايام اتمشى فيها

5/ من أقرب طفلـ/ـه كان/ت أقربلك؟؟ يعني مايضربك آو تضربك

ولا تهاآوشك ولآ يهآوشك؟؟

بنت خالتي

6/ كم فلقة في رآسك؟؟

الحمدلله ع كثر ما اسوي ما جاني شي

7/ وش كانت عياآآرتك وانت صغير ؟؟
هههههههههههههههههه ..ام لساانين

8/ وش اكثر حلاوهـ كنت تحبهاا في طفولتك ؟؟

حلااوه التوفي ..والين الحين ادوور لها

9/ ماهو مستوى الرجه اللي كنت فيها "مرتفع / متوسط / عادي" ؟

مرررررتفعه ..في البيت طبعا ..عند الناس مافيه اعقل مني طبعا مو من كيفي لكن الي يزعج النااس يرجع البيت احسن ..كلاام ابوي لنا

10/ماهو ترتيبك بين اخوانك ؟ وهل هالشئ اثر في مسيرتك الطفوليه ؟؟
الثالثه ..لا ابدا

11/ ايش اكثر مكان كنت تحب تروح له ؟"ملاهي . حديقه ... الخ
الحدييقه ..مافيه غيرها اصلا ..

12/ ايش اكثر لعبه كنت تحب تلعب فيهاا؟؟
تركيب الكعباات ..و اتفنن فيها بعد

13/ هل كنت تضرب والا تنضرب والا>> لاتهش ولاتنش ؟؟
كلها اضرب و انضرب ..و البادي اظلم لكن ما ابداء انا

14/ هل كنت تبكي كثير ؟؟
اوووووووه اسوووي مناحه و سيارات اسعااف بعد .هههههههههه

15/ ايش اكثر فلم كرتوون كنت تحب تشووفه ؟وإذا ماكان فيه وش الشي أللي تحب تتسلى فيه؟
ما كنت احب التلفزيوون اصلا

16/ من اكثر واحد من اخواانك كان قريب منك ؟؟ يعني اللي تحب تلعب معاه
اخوي الي قبلي ..لكن ماارتاح الا الين اخرب عليه اي شي

17/ موقف صار لك ولحد الحين اذا ذكرته تضحكك ؟؟
هههههههههههههه ...مرره امي خاصمتني لاني طلعت الشارع و حرمتني من الالعاب اطالع الجدار بس ..المهم انا ما اخلي شي يفوتني جا اليوم الثاني في الصباح كانت تكنس الحوش و الشارع فاضي و هي متحجبه طلعت شوي منها تكمل المدخل و اول ما شفتها جيت باقصى سرعه عندي و سكرت عليها الباب و دخلت عند ابوي اعلمه قلت شفها طلعت الشارع وانا ما اطلع شاطره قام ابوي و فتح لها الباب .. وانحرمت من الالعاب لمده اسبووع و بعدها شاني في حالي مالي دخل في احد

18/ كنت تحب الحليب والا تشربه بالغصب؟
الا احببه و خصوصا حليب السعوديه ..الين الحين وانا ما ارضى عليه

19/كنت شاطر بالمدرسة والا لا؟؟

شاااطره بس ارفع الضغط

20/ كيف كانت طفولتك بأيامـ رمضان ؟كنت >>تصوم قدام اهلك ومن وراهم تفطر؟؟
ههههههههههه..اصووم بعد العصر ..وفي لظهر لازم امر ع كل الي في البيت صايم اجلس قدامهم اكل و اشرب

21/استايلك وانت صغير..كيف كآن؟
كان عادي ..لكن مدمنه لبس ..اربع مرات ابدل ملابسي في اليوم

22/كلمه دآآيم على لسآنك وانت صغيرـ!!
حلووه بس لاتعيدها

23/هل هناك شخص كنت دايم تتبلى عليه يعني تسوي المصيبة وهو ينضرب ؟
كثيير من بينهم اختي وبنت عمتي ..جااهم عقووبات ع شاني

24/جريمة او مصيبة لـ هذا اليوم تذكرها و مستحيل تنساهاا ؟؟
سرقت مفتاح السياره حقت ابوي و اعطيتها اخوي وولد عمي قلت ابوي يقول روحو لفو فيها سمااح وهم ماصدقو خبر طلعو و سوو حادث وتم عقاابهم و انا الي تحت السالفه و جاااني انواع العقوبااات و الحرمااانات و الاشغاال

25/ما هو اقوى عقاب في تلقيته في طفولتك ؟؟
العقاااب الي كنت متعوده عليه الحرمان لو اسوي خطاء..يتم اصدار حكم بحرماني من اكثر شي احبه فتره معينه ع شان ما اعيدها ..لكن لاحياة لمن تنادي

26/نشيد كنت تحبه أيام طفولتك؟
ما اتذكر

27/ماهي الموآقف اللي عرضت فيه اهلك للاحراج؟؟
ما فيه لاني كنت عاقله ..اذا عندنا احد او رحنا مكان
28/اكثر موقف صدمك يوم انت صغير واثر عليك يوم كبرت ؟!..
حاادث مروووري حصل قداامي ..كان يخوووووف ,,اثر علي في السياره خوافه بقوووه
29/كيف كان اول يوم مدرسه لك بكيت ولا لا ..؟
لا جريئه ..دخلت ع المعلمات و سوالف تقولون بيت ابوي الين جات امي خذتني

30/ ضعت في مكان؟ .. سوق او حديقه او كورنيش أو اي مكان.. اذا اي قولنا السالفه ..؟لااا الحمد لله لصقه في ابوي اذا كنا في مكان عام

31/وشهي اجمل هديهـ خذتها في طفولتك...ومانسيتها ابد...؟!
خاتم من امي

32/بصراحهـ من كنت تحب بطفولتك اكثر أمك ولا أبوك ـ....؟!
الله يخليهم جمييع
امي اكثثر

33/في انسان معين تحس انك كرهتهـ في طفولتك وإذا فيه ليهـ...؟!
ايووه زووج خالتي ..كان يعض خدي اذا شافني و كنت حاقده عليه لانه اكثر واحد يقول ياام لسانين

34/متى هي المرة من المرات اللي حقدت فيها على اهلك وانت صغير

\يعني...سوولك حركه قدام احد وانقهرت بقوة ؟؟
ما اتذكر

/لحقت تتابع/ين سبيستون ؟؟
ما احب التلفزيون ع شان كذا مدري

36/هـل كنت تغلط في نطق الحروف..؟
لااا الحمدلله

37/موقف سويته ..والى الحين مااحد يدري عنه ؟
ماافيه دايم اذا سويت شي لوحدي لازم اعلم ع نفسي ما اعرف اسكت

38/مين اعز صديق طفولة و الى الان متواصل معه>><؟
بنت خالتي هي اعز صديقاتي

39/ اذا عندكـ صوره لكـ وانت طفل اتمنى تحطها مع أجاباتك
ههههههههههههههههههه..هذي مستووره في الدرج

.............................................

خصللت خذووو راحتكم بالتعليييق
بس لاتدققوون

تحياااااااااتي

هههههههههههههههه

كان عندي احساس ان طفولت شقيه

مدري ليش

الله يسعد ياقطره فعلا طفوله مليئه بالمواقف

والكفشات الحلوه

اتمنى لك حياه كلها سعاده

مشكوره اختي روووووووح

على اختيارك المميزلضيفه مميزه

ولو انها جات بعد توصيات

ههههههههههههه

في انتظار ضيف او ضيفه

ولا اوصيييييك

24/جريمة او مصيبة لـ هذا اليوم تذكرها و مستحيل تنساهاا ؟؟
سرقت مفتاح السياره حقت ابوي و اعطيتها اخوي وولد عمي قلت ابوي يقول روحو لفو فيها سمااح وهم ماصدقو خبر طلعو و سوو حادث وتم عقاابهم و انا الي تحت السالفه و جاااني انواع العقوبااات و الحرمااانات و الاشغاال





ياساتر منك يالحريم
من جد هذي النذاله بعينها هههههههههههه

اشكرك اخت قطرة الندى على اسلوبك الرائع في شرح طفولتك
وتمنياتي لك بحياه سعيده في قادم الايام

وشكر خاص لصاحبة الموضوع الاخت رووح

تحياتي للجميع

ههههههههههههههه


جداً أستمتعت بمشاكستك


طفووووله شيقه وممتعه

ياكثر ماانحرمتي

ههههههههه


مشكووووره يالغلا


أتمنى لك مستقبل أجمل وأحلى


دمتي بسعاده...

ابو مهند
وما خفي كان اعظم
ويسسسعدكـ يااارب
تحيااااتي

ابن طلق
هههههههههههههه نذاله و بس
الروووعه وجوودكـ هناا
ويسسعدكـ يااارب
تحيااااااتي

روووح
هههههههههههههه
ماتذكر جلس شي احبه معي لمده ثلاث
ايااام ..حرمااان مستمر
العفوووو ي عسسل
الله يسسعدكـ

تحيااااااتي

كرسي طفولتنا الشيق


ببالي


تشرفنا ضيفه جميله وانيقه



وتجاوب على أسئلة الطفوله البريئه وتمتعنا فيها



عزيزتي


((الشيهانه))


تفضلي للكرسي


ونحن بـــ إنتظار إجاباتك الشيقه..



ولكٍ كل الود والتقدير..

احسنتي ياروووووووووووووووووح

اختيار موفق

وفي انتظار المبدعه الشيهانه

واخييييييييرا جات ضيفهـ
حيااااكـ شيهانه
للكرسي ..
تسلميييييين روح ع اختيااركـ