دخيل شهران من الخوف ناجي

كان الشاعر ناصر بن عايض بن هندي رحمه الله في دولة الكويت
ويرغب مجالسة الطيبين وكان أكثر وقته يقضيه عند الشاعر
فهد بن محمد بن فردوس العجمي فقال هذه القصيده الشعريه ذاكرا
سراحه ورغبته وسهرته الذي يرغب فيه

لاظاق صدري رحت يم ابن فردوس=حيثـه يسلينـي ويعـرف مزاجـي

ويساح بالي عقب ماكـان معمـوس=وتبين نظرات الطرب في حجاجـي

وينزاح من صدري ثلاثين هاجوس=وهما" صقط بين المعاليـف لاجـي

سوالفي عنـده وشـرواه نامـوس=سوالف ن مافي طرفهـا سماجـي

وفنجال بن ريحتـه تقعـد الـروس=فـي دلـة ماقربوهـا العجـاجـي

ماها على ستـة فناجيـل مقيـوس=وزنت قـراح ماخلطهـا هماجـي

والبن في خطوا المحاميس محموس=ماحمس بالقوطي وجاه ارتجاجـي

ديـوان بيتـه بالمناعيـر متـروس=لاصك بابه مـن يربـي النعاجـي

والطيب من عادتهم شيء مـدروس=تاريخهم يشهد بصـف احتجاجـي

عجمان تلبس بالفخر كـل ملبـوس=وعصيهـم يـوم اللقـاء ماتناجـي

والطيب مايشرا من السوق بفلـوس=عطوا من الرحمن سريع الفراجـي

تم الجواب اللي عن الزود محروس=معناه واضح مثل نـور السراجـي

رد الشاعر فهد بن فردوس العجمي بهذه القصيده الرائعه

امس الضحى والسوق بالناس متروس=جاني جواب مـن صديـق مفاجـي

جاني كتاب بـه تشجيـع ورمـوس=من كوكـب جمـه غزيـر وراجـي

ماهو من اللي يبدع القـاف منكـوس=ايضـا مشجعنـي وزاد ابتهـاجـي

قيل مصفـى كنـه الفنـج بالكـوس=قول بفعـل وميـز مابـه صجاجـي

قولن على عرف ومعرفـه مقيـوس=سمحـا سميـح مابـدا بنعـواجـي

احد يجي فعله كمـا نـور فانـوس=وحدن يجي قوله كما الليـل داجـي

لاشك عايض حـاوي كـل نامـوس=ناصر ولد عايض طليـق الحجاجـي

صحيح شجعني ونا قبـل محسـوس=ايضـا تلقيتـه بـدون انزعـاجـي

لعـل يفـدا ناصـر كـل متعـوس=ناصر ابـن هنـدي ولابـه مناجـي

عساه مـن كـل القاديـر محـروس=وعسى الولي من دون ناصر يحاجي

ذابح سمين الضـان مايذبـح اتيـوس=قد هو على ذبح السمينـات عاجـي

شهراني مـن لابـة ترفـع الـروس=لا شبت الهيجـاء وثـار العجاجـي

اطوع العايل على الكـره والجـوس=عقـب امعـداه مقفـي بنـدراجـي

الحق ينطق به ولاهـوب مدسـوس=دخيل شهران مـن الخـوف ناجـي

ابيات رائعه
والله يرحم الشاعر ناصر بن عايض بن هندي
واشكرك على النقل الرائع
تحياتي واحترامي

شهراني مـن لابـة ترفـع الـروس=لا شبت الهيجـاء وثـار العجاجـي

ونعما مليون ..

بيض الله وجهك اخوي ابن هندي ..
رحم الله الشاعر ناصر ابن هندي والشاعر فهد بن محمد العجمي واسكنهم فسيح الجنان ..

صقر بني منبه


لاهنت

أشكرك على مرورك

أبو عامر


ماعليك زود


ووجهك ابيض


والله يجزاك خير

رحم الله الشاعر الكبير ابن هندي والشاعر ابن فردوس
رحمة واسعه


أعلام لشعر في دول الخليج


مرورك يشرف


لاخلا ولاعدم


لك خالص الشكر والتقدير

صح لسانك

وبيض الله وجهك

والله يعطيك ألف عافية

-- تحياتي --