ولك\يسعد ابو ترثه هلك..قلي..وش اكتب فيك.. - الموقع الرسمي لقبائل بني منبه شهران العريضه

#1 22-07-11, 12:16 AM

ولك / يسعد أبو ترثة هلك .. قلي .. وش اكتب فيك ؟؟
..... مادام الشعر .. من فرحة خفوقي .. صابته سكته
:
:
طبيعي .. مثل ماقلبي .. يحرّك نبضته .. طاريك
.... مسار الشعر في حكمك .. تقلّ .. وتكثر حركته
:
:
مثل مااغليك وافرح بك .. بعد يفرح بك ويغـليك
..... لذا أرجوك تستحـمل .. عبط شعري ، وصعلكته
:
:
( فشر ) يئدر .. بشر .. يحكي علينا هيك والا هيك
... شياطين الحكي ، تسكت .. اذا حضْرت ملايكـته
:
:
انا اكره ماعلي اكتب ( غزل ) لكن عشان ارضـيك
.... أبدخل مملكة غيري .. واباخذ .. عرش مملكته
:
:
عشانك بحرق اشباه القصيد .. بصاعـقه .. واسقيك
... زلال الشعر .. في قلبك .. عسى الله يطرح بركته
:
( تفشخر ) شاعرك ( جزل المعاني ) واعتقد يكفيك
....تملّك ( ذوقك الفاخر ) .. وفـ الآخر .. تملّكـته
:
:
لأنك .. تمتلك .. فوق المزايا .. موهبة تكـتيك
... قدرت تصيد لك .. طيرٍ .. يخمّ النقل .. بشبكته
:
:
ولأنك مختلف جداً .. ولا أية شعر .. يغريك
.... زرعت الخوف في ، قلب القصـيد وفعلا اربكته
:
:
ولأنك جيت شاريني .. قبل عرفي لزوم اشريك
.....هلابك بالخفوق اللي من الوحـشه .. تداركته
:
:
أحبك كثر ماودك تعرف .. شكثر افكر فيك ..!!
.... كثر مالنوم من عيني .. على ماقيل ( جمركته )
:
:
أنا من غير مااكتب بك قصايد ، ربنا حـاليك
... معاك الشعر يستسلم قبل .. لااخوض معركته

اوسمتي · 24-07-11, 05:42 AM

إبداع x إبداع
سلمت وسلمت يمناك على هذا الطرح الرائع

بعد إذن سموك الكريم سوف ينقل موضوعك للقسم المخصص
لك خالص إحترامي

24-07-11, 11:42 AM

اقتباس:
المشاركة الأصلية كتبت بواسطة مخاوي الذيب

أحبك كثر ماودك تعرف .. شكثر افكر فيك ..!!
.... كثر مالنوم من عيني .. على ماقيل ( جمركته )
:
:
أنا من غير مااكتب بك قصايد ، ربنا حـاليك
... معاك الشعر يستسلم قبل .. لااخوض معركته

مبدع ويعطيك العافية على هالنقل الرائع والمميز
قصيدة من أجمل القصائد الغرامية
سلمت وسلمت يمناك على النقل
تقبل مروري بكل إعجاب