قصيدتي في حفل تكريم محمد بن عامر الطلوق

مسراً مع فجوج الديار النايده=وصبراً على قيضٍ تزيد شدايده
وبدع البيوت اللي يحيربها الملا=من صنعة الهاجس ومن جدايده
من شان ربعي ممنين الخايفه=مزبن ونارٍ فالليال الكايده
ياما ضعنا صوب حدان البلد=واقفى الجمع عنا يعزي قايده
شوفة ضعنا فالليال الحالكه=كن الجبال الشم توه مايده
فسلام عد الجم في بطن الثرى=واعداد مزنٍ ماتعد جوايده
ياربعي الوافين لاذكر الوفاء=حِط اسمكم عنوان قوم الفايده
تكريم بن عامر علينا ماغبى=لانه زعيم الجود وايضا رايده
لوكان نهديه الف حاشي وبدنه=والله مانوفي حقه ونقرى يده
رجلٍ يمينه دون ربعه راهيه=يرهي في وقت الضيق والامعايده
الكفو يسعى للجميل ويجتهد=يجمل ويدري ان الخلايق بايده

صح لسانك ياطلال
قصيدة جزلة من شاعر جزل
وبو وليد يستاهل الطيب
مروري وتقديري

صح لسانك اخوي طلال

قصيده جزله ويستاهل ابوعامر

تقبل تحياتي واحترامي

صح لسان يا طلال

قصيده رائعة وفريده ومعانيها جزله

وانت دائم مبدع

لاهنت يالغالي


وفالك الطيب

صح الله لسانك ياخوي طلال ابدعت ولا هو غريب عليك الابداع قصيده على الطرق الهلالي ممتعه الف شكر لك وبو وليد يستاهل الطيب والعلوم الغانمه . تقبل تحياتي .

صح لسانك وبيض الله وجهك
لاهنت تحياتي واحترامي

صح الله لسانك ياطلال شاعر ولد شاعر والجزله ماهي غريبه منك تقبل مروري يالغالي ولاهنت وبيض الله وجهك

صح لسانك ياطلال ويستاهل بو وليد
تقبل مروري ولك جزيل التحايا

صح لسانك
وبيض الله وجهك
دمت بود