آل سرار

قصيده مشاركه
في زواج الاخوان"ناصر وفالح"
ابناء زاهر بن عبدالله السراري المنبهي الشهراني

طلبت الاله الواحد المعتلي الرحمان= الهٍ عليم بكلّانخفي وداري
يجمّل وقوفي لاحتمت ساحة الميدان=ولغير الجميل يحطّ للرجل مقداري
على دعوةٍ من ناصر وفالح الذربان=حضرنا نشاركهم هل النعم والطاري
سلامي سلامٍ وزنه يرجّح الميزان=عدد من سعى واعداد مايذري الذاري
سلامي على اهل الشان والجبر والشيخان=هل الصيت من ماضي الزمان آل سراري
يامدّ اشهران اللي تفاخر بها شهران= يامن يحتمي فالدار والضيف والجاري
يذاع الخبر والصيت مع ساير الركبان=وتناقل علومٍ لآل سرار الاحراري
يامن يكرم الضيفان بالضان والقعدان =يامن يبهج الخاطر لمنداش الافكاري
ولدهم لياما جاه في منزله ضيفان= لقوا البسط فالمجلاس مع شبّة الناري
هل الجود والمدات من ماضية الازمان=وعلى المرجله جاك الولد من هله ضاري
ياشيخاننا ياقدوة الصف ياشجعان=على الحقّ هل وقفه وفزعات واصراري
يافرساننا المتسلسله من نسل فرسان=وقبّا ورماحٍ وقعها فيه منداري
نسل فارسٍ له فالقمم مركز وعنوان=قصصه وعلومه مع صدى الوقت تذكاري
بيمناه سيف املح ويسراه فيها اعنان=يدوس الخطر ولا انثنى يمين وايساري
زمانٍ مضى يوم العرب كلّهم عدوان=على صهوة جواده ولاهاب الاخطاري
وذاليوم في عهدٍ يسوده رخا وامان=بهيبة هل العوجا طويلين الاشباري
وصرنا سوى يالبدو والحضر والتهمان=على الحقّ نتواصى وللباطل انكاري
وكلّ القبايل مابها شكٍّ ونقصان =بها الشيخ والفارس ومامون الاشواري
وانا والله افخر بالنشاما وانا طربان=وعزاز النفوس اعلمها تشدّ الانظاري
علوم النشاما وصفها يشيّب القيفان=جزال وجلال وكلّ من طبّ يختاري
وعلم الحيا والطيب والطيبين ايبان= وانا شاعرٍ ماكادني نظم الاشعاري
اجيب الحقايق والحقايق لها برهان=ولا اجيب علم يذاع من صحّته عاري
واغوص البحور ادوّر اللول والمرجان= ولانيب لاجاهل ولانيب محتاري
وانا مشرّعٍ للشعر في منهجي بيبان=ولا آرد عدودٍ قبل ما اعرف مصداري
على شان لاما جا مجالٍ مثل ذالشان=تجمّل من متابع ومتسمّع وقاري
وعدّ القراح العذب يروي ضما الضميان= وسهيل اليماني والجدي قدوة الساري
وانا لسان ربعي والشعر غايه ونيشان=على الحقّ .. والعيلات لاوالله مجاري
وانا للشعر منذ الصغر عاشقٍ ولهان=ولداعي النشاما ماتكاودت مشواري
بجي وآحضر للكفو لو كان مهما كان=واشارك فرحكم ياطويلين الاعماري
وناصر وفالح ما اعتبرهم يكون اخوان=والاخوان لازم نحضر لشانها اجباري
فزواجٍ مبارك واعذروني على النسيان=تشوش الهجوس تقول كن بيننا ثاري
فعلى العزّ والناموس والقدر والسفطان=تزف التهاني وان قصرت ابغي اعذاري
تزفّ التهاني باسم مشعل ولد جمعان=وانا توبي وفي مثل ذالشان سرّاري
وصلاةٍ على محمد عدد ما تلي القران= وماكتب فاحداث الدهر والقدر جاري

تقبلوا تحياتي...

مشعل الشهراني

صح لسانك يابو جمعان وبيض الله وجهك على هذه
القصيده الرائعه

وآل سرار يستاهلون المدح

مليون نعم بربعنا


شكرا لك
تقبل مروري

بيض الله وجهكـ يابو جمعان
وصح لسانكـ على هذي القصيده
تمنياتي لكـ بالتوفيق

الاخوان الغالين..
ابن طلق
الساحل الشرقي

سلمت اناملكم على ردودكم المميزه ..
تقديري