نصائح قبل شراء السلاح المستعمل

بســــــــم الله الرحـــمــــن الــرحــــــيـــــــم

الــــــــــســــلام علـــــــــــيــــــكم ورحمة الله وبركاته

يمكن تلخيصها في النقاط التاليه :

1/ هز السلاح ، اذا طلع فيه اصوات فخله لراعيه ، لكن لاحظ انه بعض الساعات يكون الصوت من مسمار مرتخي او شي ، لكن انا قصدي هنا ماهو المسمار المرتخي قصدي الأجزاء الي اهم من المسمار .

2/ تفحص السبطانه وتأكد من انها تخلو من الصدأ ، ملاحظه ( الصدأ مسأله بسيطه يعني لاتدقق فيها لانه الصدأ سببه اهمال التنظيف )

3/ تفحص السبطانه من الداخل وتأكد انها خاليه من الانعواجات ، ترى العوج مايعرفه الا واحد له خبره بالسلاح ، فلذلك انا عندي طريقه يمكن تنفع ، وهي انك تثبت سبطانة البندق بمكان ثابت ويكون مظلم وتحط بالسبطانه كشاف وتشوف النور وين رايح اذا هو بخط مستقيم فكذا السبطانه تمام ـ اذا هو رايح يمين او يسار او تحت او فوق فالسبطانه يبيلها تعديل .

4/ تفحص المكينه وتأكد انها أصليه ، لانه بعض الناس عديمين الذمه والضمير يشترون ختم الشركات ويلزقونه على البندق وبكذا يرتفع سعر البندق اضعاف ، وتأكد ايضا انها نظيفه وخاليه من الخرابات ـ

5/ تفحص المخزن ( اذا كان السلاح ام خمس ) ، وتأكد انه يسع لأربع فشقات بالاضافه الى الخامسه ببيت النار ، (وفيه بعض الأسلحه تشيل أكثر من خمس ، وفيه بعضها تشيل أقل من خمس )

6/ عب المخزن كامل مع بيت النار واسحب القير بسرعه يعني لقم البندق ورى بعض جرب هل هي تنفض جميع الفشق والا لا عشان تتأكد من ان الناتوش يعمل بشكل صحيح .
اما اذا كان السلاح ام وحده ام ام بطنين فدخل الرصاص وبعدين عشق البندق وبعدين اكسرها مره ثانيه وشوف هل هي تنتش الفشق ( يعني تطلعه ) والا لا .

7/ تأكد من تأمين البندق انه شغال مع ان الأمن الله سبحانه وتعالى لكن الاحتياط وااجب .

8/ تأكد من وجود قطع الغيار قبل شراء السلاح .

9/ هذي اهم شي / تأكد من ان البندق خاليه من الدهانات ، فبعض الناس الله يهاديهم يكسر البندق واذا جا يبيعها راح صبغها وقال جديده ابد ماعليها ، لانه صبغ البندق يخفي عيوب واجد ،

10/ تفحص الخشاب وتأكد انه يكون خالي من الكسر او الشعر . او الخدوش العميقه

11/ اخيرا تجربة السلاح ، وهي المهمه ـ فالتجربه خير برهان .


وهذا الي الله قدرني عليه .. والموضوع مفتوح للجميع لاعطائنا نصائح اكثر
مــــــــــــــــنقول للفائده

الله يعطيك العافيه
لاهنت يا غالي
تحياتي واحترامي

أشكرك على المرور المميز
تحياتي لك

معلومات مفيده تشكر عليه

شكرا لك أخوي رحــــــال

طرح في قمة الروووعه
لك ودي وتقديري
تقبل مروري

لاهنت اخوي رحال

وننتظر المزيد والجديد

وودي وتقديري

يعطيك العافيه


معلومات مفيده

يعطيك العافيه

شكرا لك

سلمت على هذه النصائح لك تحياتي

وفالك الطيب

لاهنت على النصائح المفيده

تقبل تحياتي واحترامي

أشكركم على المرور المميز
تحياتي لكم جميعاً