ســــــــــــــكر نــــبـــــــــــات

تعال ياسكر نبات العشق ياملح القصيد === غيبتك لي مده وانا اغني على طاروقها
قصيدة(ن) موالها تهتز له خظر الجريد === ترخي هماليل المزون اللي تلوح بروقها
ماهي دراما اومسلسل تكتبه فجر السعيد === مشا عر(ن) تليق بي وانت وغلاك تلوقها
ناديت لك وانت القريب من المحاني والبعيد === وسقت القدم والا لغيرك مستحيل اسوقها
ومديت لك كف الرضا والعشق والعمر الزهيد === مدللك مثل الرجال اللي تدلل نوقها
واصبحت تسري وسط شرياني وترجع فاالوريد === تقفي وتقبل وانت لي طعم الحياه وذوقها
ياراس مالي يوم مالي لاحساب ولارصيد === فالبنك والاسهم نموت ولادخلنا سوقها
تعال قربك عيد والبعد ضربه من حديد === يامن تشب النار بغيابي وانا اطى فوقها
اشعلت بردي في دفاك وذابت امواج الجليد === اللي شواطيها تحرا فيّتك وشروقها
كتبت فيك اغلى القصيد يفيد والا مايفيد === ابيات لاغنيتها تروق لي واروقها
ارجع والاابغى لك عذر من دون شرط ودون قيد=== يااول هواء نفسي وتاليهم وغاية شوقها
عامين احايل رفقتك والعمر ينقص مايزيد === سنين ادوّر رفقة اللي رفقته مابوقها
تعال وافعل ماتبي والله يفعل مايريد = اترك كلام اللي على السيره تبل حلوقها

منقول

قصيدة طابت لي ... تقبل مروري وتحياتي

اشكرك على مرورك

مشكوووووووووور
وما يجي منك إلا الطيب

كتبت فيك اغلى القصيد يفيد والا مايفيد === ابيات لاغنيتها تروق لي واروقها
روووووووعة ..
الله لا يحرمنا منك ..

عامين احايل رفقتك والعمر ينقص مايزيد ******سنسن ادور رفقة اللي رفقته مابوقها

بيض الله وجهك على ماقدمته

تقبل مروري

الواهبي
ابو عامر
فراج المنبهي

اشكركم على مروركم العذب والرائع

اشعلت بردي في دفاك وذابت امواج الجليد === اللي شواطيها تحرا فيّتك وشروقها

إذا ما خاب ظني فهذا القصيده لمحمد مريبد العازمي ,,, والله أعلم

القصيده تفتح النفس ويحبها كل شخص في قلبه حب للكلمه الجميله المؤثره ,,
على كل حال أنتهت هذه القصيده ببيت رائع أن لا يلتفت لكل عاذل وحاسد ,, يجب ان نعيش كل تفاصيل حياتنا من غير الأهتمام بكل ما يقوله كل حاسد وحاقد
مثل ما يقول الشاعر ( وأترك اللي في قلوب الناس فيها )
عبدالله إنت (سكره) بضم السين وفتح الراء يعني هذه المشاعر والقصائد لا تأتي من فراغ
تحياتي لك

نعم صحيح أخي المستشار

للشاعر/ محمد مربيد العازمي

مرورك يزيدني شرف وفخر ياغالي

يعطيك العافيه
تقبل مروري