الحـــــ مثل النوم ـــب .... السفير

الحب مثل النوم

الحب مثل النوم .. والوصل .. الاحلام..
.. والشيين من الاحلام..صد المحبيين

نوم طويل عمره اشهور واعوام ..
.. وان قمت.. ففهمها فراق وسهر عين

وانا رقدت وعمري اربع عشر عام ..
.. وصحيت في شهر اربعه عام الالفين

نوم ثقيل كله احلام واوهام ..
.. ونصيبي من احلامه الجانب الشين

صحى الفراق اقلوب في عكـسه..نيام ..
.. وغاب الفرح وانا بعكـسه الى اللحين

ياحزن كبدي حزن من ضاق ثم حام ..
.. اخذت فروخه مادرى ليه ولوين؟

بعد ما شاف العش عيدان وعظام ..
.. خالي..تفكر فوق ويسار.. ويمين

خلا عشاها فيه ومن الوطى شام ..
.. **ـن على روحه وفل الجناحين

وياوجد حالي وجد من نام ثم قام ..
.. على صياح امه وهو دون رجلين

عويق وامه تنعته والنعت سام ..
.. وهو خابر انه يقسم الصف صفين

حبا وصاح بصيحة تاصل الشام ..
.. منها تقطع في خفوقه شرايين

على وليف قسم اظنوني اقسام ..
.. واقفى وانا ما اعرف طرد المقفين

راح وترك في صدري وسوم واعلام ..
.. وصى علي طيفه وقفى بقلبين

ليته تعذر كان ماهو بملام ..
.. بعد ماشاف الدرب بيسير دربين

اشوى عليه شوي..من عظ الابهام ..
.. واشوى علي شوي..من دمعة البين

تمشي بنا الاقدام والموت قدام ..
.. وميعادنا يمفرق اثنين بعدين

ياعين لا تبكين وعيونه تنام ..
.. عادش الى ما خاب ظني بترضين

لو الدموع اتفيد فادن الايتام ..
.. ولو الكلام يفيد عادت فلسطين

ولو النبات يطلعه دمعة هيام؟..
.. شفتوا على وجهي ورود وبساتين

الحب سجن..وبعد الاحباب الاعدام ..
.. وقلوبنا السجان مدري مساجين

الحب نوم عمره اشهور واعوام ..
.. وان قمت ففهمها فراق وسهر عين

بن فطيس

آآآآآآآآآآآآآآآآآآآآآحيه

فديتك يالسفير

ذائقة جميلة من انسان ذووويق

سلمت اناملك ياغالي

ننتظر القادم والجميل والابداع

وودي وتقديري

اييييييييييييييييييييييييييييييييييييييييييييييه

اقول هلا وغلا ... انورت ... واسفرت ... صفحتي بمرورك يالغالي .. وطارت الحروف قبل الكلمات فرحا بمرورك بها

خالص ودي

ذائقة مبدع ..
عيشتي جو من نوع آخر ..
عسى ربي يسعدك ويوفقك ..
تقبل مروري المتواضع ,,
لك مني تقديري سيدي الغالي ..

صح لسانك يا السفير
لاهنت بيض الله وجهك
تقبل مروري واحترامي

بيض الله وجهك
وصح لسانك
وننتظر جديدك
دمت ودام عطائك