،؛، .. ســـولفـــــوا .. ،؛،

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتن**ر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

م**ب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

ربي يعطيك العافيه يا ابو فيصل
تقبل مروري

الله يعطيك العافيه
لاهنت تقبل مروري واحترامي

ذي بقايا الحب وأطلال الجنون ..
.. والله أعلم في ضميره وش بقاي


تقبل تقديري واحترامي


مافيك حيلة

يعطيك العافية أخوي عبد الله على هالراااائعة


ولا ننحرم منك ولا من ابداعاتك

وتقبل مروري وتحياتي

غير طيعوني ولا عاد تسكتون
ولا والله ان اسمعكم بكاي


ياوجهل الله ياعبدالله ,,, صح لسانك ولسان القائل

قلبك ودربك خضر ياصاحبي ,,, ابيات معبره

ذائقه شعريه عاليه وأتذكر ابياتك الشعريه التي
قلتها في ابو عبدالله ,, خارج الوطن ,, ارجو طرحها وطرح قصيدة قبقب

طلب خاص ,,, مع أجمل التحايا للنشامى

تسلم على القصيده الرائعه



وعلى الاختيار المميز



وصح لسان قايلها



شكرا لك


وفالك الطيب

صح لسانك بوفيصل علي الابيات الرائعه

صح لسانك وبيض الله وجهك ..
تقبل مروري المتواضع ..
لك مني أجمل تحية ..

يعطيك العافيه
نقل في غاية الروعه
تقبل مروري