وقت الرخاء ... ظافر بن وهيب

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين

سيدنا ونبينا محمد وعلى آله وصحابته أفضل الصلاة وأتم التسليم أما بعد :

هذه القصيدة كتبت حديثاً وتعبر عن نفسها

وهي بعنوان :

وقت الرخاء

يا الله يا اللي كل خلقه ترجاه = يالواحد المعبود يا الدايم الحي
يا اللي جعلت أشكال وألوان وأشباه = وخلقت ذا صالح وذا خلقته سي
وقت الرخا يا كثر الأصحاب كثراه = وعند اللزوم تقول ملحٍ على مي
وكم صاحب تتعب من أجله ولرضاه = وليا بغيته في الشدايد ولا شي
وقت السعة يا كثر هرجه ومجراه = ويقول أنا عنتر وأنا حاتم الطي
مغير شخصية وكشخة مسوّاه = بشتٍ وثوب وغترةٍ تكمل الزي
هذاك جعل اللي هجيج توطاه = وشكله يجي في الأرض معدوم وشوي
وعساه يفدا اللي ليا ضقت تلقاه = قدمك يقول المشكلة خلّها لي
ويشاركك في الهم صبحه وممساه = ويبشّرك بالحل مع طلعة الضي
مهتم من همّك ومسعاه مسعاه = نعم الصديق الصّادق إلاّ هو الخي
يارب تحفظ كل صادق وتحماه = وتمدّْ في عمره ويبطي وهو حي
والختم صلى الله على عبد مولاه = إعداد رمل بين باريس ودبي

وسلامتكم جميعاً

أسأل الله لنا ولكم ولجميع إخواننا المسلمين التوفيق والسداد

في القول والعمل إنه هو السميع المجيب

وتقبلوا خالص تحيات أخوكم / ظافر بن وهيب

يارب تحفـظ كـل صـادق وتحمـاه
وتمدّْ في عمره ويبطـي وهـو حـي





الشاعر ظافر بن وهيب

دائما مبدع كعادتك

صح لسانك ولا فظ فوك

قصيده رائعه لاعدمناك يابوعبدالعزيز

تقبل تحياتي

وفالك الطيب

بيض الله وجهك يابن وهيب على القصيده الاكثر من رائعه
تقبل مروري ولك تحياتي

ابو وهيب

بيض الله وجهك وصح الله لسانك ... قصيده لامست هموم الجميع

اشكرك والله يحفظك

صح الله لسانك
قصيده جزله من شاعر جزل
لاهنت يا غالي
تحياتي واحترامي

صح لسانك

وبيض الله وجهك

والله يعطيك ألف عافية

-- تحياتي --

صح لسانك يالغالي ..
انشهد انها على الجرح ..
بيض الله وجهك ..
تقبل مروري

اقتباس المشاركة الأصلية كتبت بواسطة الشاهين يارب تحفـظ كـل صـادق وتحمـاه وتمدّْ في عمره ويبطـي وهـو حـي الشاعر ظافر بن وهيب دائما مبدع كعادتك صح لسانك ولا فظ فوك قصيده رائعه لاعدمناك يابوعبدالعزيز تقبل تحياتي وفالك الطيب

أخي الغالي / الشاهين

وفقك الله وسدد على طريق الخير خطاك

وبعد :

صح بدنك وفوك سالم يا أبا عبدالعزيز

روعة القصيدة تتجلى بوجود المطاليق أمثالك

قبلك الله وحياك وبياك

وفالك أطيب وأطيب

أسأل الله أن يوفقنا وإياك وجميع إخواننا المسلمين لما يحب ويرضى

من القول والعمل الصالح إنه سميع مجيب


وتقبل خالص تحياتي