مرثية الشاعر بن بن كتو في المرحوم دائل بن دعلوج رحمه الله ..

مرثية في وفاة الأخ والصديق والزميل :
دايل بن عايض ال دعلوج الشهراني

يالله ياللي بيده الأجل محتوم
ياخير من ندعيه رب البريه ..

يامن لزوم العبد بيديك ملزوم
تغفر لروحا صادفتها المنيه ..

على طريق الخير مايفرق السوم
يهلل وكــبر ويذكر نبــيه ..

مسافر ويبني على الحلم معلوم
وهادم اللذات قص الهويه ..

مرحوم يانسل المطاليق مرحوم
ياخير من نذكره صبح وعشيه ..

مرحوم ياللي للردا كان محروم
للعز مقدام وعدوده رهيه ..

مرحوم يامن طيبك يحوم ويحوم
للحق والناموس كفه نديه ..

للعلم والطالات قد كان معزوم
وحالت ظروف الوقت في المقدميه ..

واليوم في قبره على الحال منجوم
في عالم البرزخ بيلجا لجـــيه ..

يالله ياللي بأمرك السفن بتعوم
تغفر ذنوبه وان تصبر ذويه ..

والعبد لو يجزع على كل مقسوم
ماكان دايل وردته المنيه ..

والمكرة اللي سارت بدورة اليوم
بكرة ماندري كيف تقطع ظميه ..

الموت حق وصف الأقدار مزحوم
بساعة ماتعرف المقـــدريه ..

والقلب مايقوى على حزمة هموم
وسط الصميم يصب لغم وشظيه ..

ماقوى هبوط الموت لابلغ حلقوم
والسكره اللي في الحقايق قويه ..

اللي بيقعد في ذرا الشرع ويقوم
بشره ينعم في نعيمه هنــــيه ..

واللي على فراش الخطيات مصدوم
جارت به الدنيا وساق الخطيه ..

نكشف لرجوى الخلق ماهو بمكتوم
والصبر مفتاح الفرج للرعيه ..

لاحول ولاقوة الا بك ياقيوم
أنت الاله وعالم بالخفيه ..

الشاعر :
(بندر بن عايض بن كتو الشهراني)
الشيهان