ربعي بني منبه

ربعي بني منبه

نعم نعم شاعر واجيد المهمات
واطرب خفوقن فالزمن ماطربناه
هاذي هديه صاغها فكري ابيات
مني على ربع الكرم والمحاماه
ربعي بني منبه لها الطيب جنات
اهل الجمايل والرجال المسماه
لرضاهم اطلق فرس شعري مغيرات
والكفو يستاهل ليامن هجيناه
قومن لها فوق المعالي بنايات
اهل البشوت المكرمه والمذراه
وانا افتخر باللي لسمع الندا آت
كنها صقورن في هددها مقاضاه
ماني وانا عثمان راعي مشينات
انا راعي سمحات فالوجه والجاه
اورد مع اهل الورد لاكن بسكات
ومن حدني عالشين تركت ممشاه
مادام ربعي بينهم بين شيمات
اسند مواقفهم ولاتشتكي الآه
صافي خواطرنا ابزمنها حقيقات
منعيش بوهام الكرب والمعاناه
من ساسنا اللي منهجه حي مامات
نمشي على منهاجنا اللي عرفناه
لي فالشعر حنكت ملك فالولايات
ويحكم معاني كلمته في مباهاه
تبي تمعن فالقصايد على آت
من شاعرن قوله على مارسيناه
شكرن لكم ياربعنا اهل المقامات
في كل ما يهنالها علم تبداه
مروضين اهل البدع والخرافات
إملينين الطاغي إبحد شلفاه
والله لو ابغاء الفلسفه فالعبارات
إني لعديها النجوم المعلاه
لاكن خير الهرج قل الكليمات
وقول الصراحه فالصدور المهناه
هذا انا لي فالحكايه بدايات
يومن بعضكم جاب عنوه وممداه
والخاتمه لو زدتها عشرت ابات
جبت القصايد كلها في مراعاه

صح لسانك يابو مبارك
وبيض الله وجهك
قصيده جزله من شاعر جزل


تقبل مروري ولك ودي وتقديري

صح بدنك يابو محمد وتشجيعك ووقفتك انت ومحمد عايض ماهي غريبه عليكم وفي نفس الوقت تزيد من حماسي من دون قصور في جميع الاعضاء والمشاهدين تحياتي لكم