ابداع الشاعر سيف ابالعلا في الشيخ : سعد بن جريب

ابداع ابالعلا في الشيخ : سعد بن جريب

بيشة بها حاتم وتر له علامهاكبر علاماته لياجيت تلقـاه

قصيده رائعة

القاها الشاعر : سيف بن علي ابالعلا الواهبي الشهراني

القصيده موجهه للشيخ : سعد بن علي بن جريب ال سرار

وهو يستاهل المدح ابو علي

والشاعر ماقصر بيض الله وجه

القصيده

ياشيخ يا راعي الطروق المخـلاه

يانسل بن سرار راعـي العمامـه

متحدر(ن) من روس فرسان ودهاه

قلدهـم التاريـخ غالـي وسامـه

محمد(ن) خلف عمر وافـي الجـاه

واللي بعدهم واصلـوا بالزعامـه

فكل(ن) على ساسه وكل(ن) ومرباه

ياللي ربى في قصر عز وشهامـه

تعجز عزوم الغير تاصـل لمبـداه

ويخجل مقام اهل الكرم من مقامـه

ياللي تفكر حاتم(ن)مالـه اشبـاه

بيشة بها حاتم وتـر لـه علامـه

اكبر علاماتـه ليـا جيـت تلقـاه

ماينحـر إلا اللـي كبيـر سنامـه

هذا سعد واسم السعد فـي محيـاه

عـز لربعـه والخـوال وعمامـه

وصلاة ربـي كـل ماجـا منـاداه

على محمـد عـد وبـل الغمامـه

وسلامتكم

جمل الشاعر وهي عوايده ابوعلي جعله يسلم

والممدوح يستاهل المدح

وفالكم الطيب

صح لسان ابو علي قصيدة جزلة ورائعه
ويستاهل الشيخ سعد بن علي المدح والثناء
واشكرك ياابو عبدالعزيز

بيض الله وجهك
تقبل مروري

أخي الغالي / الشاهين

وفقك الله وسدد على طريق الخير خطاك

وبعد :

بيض الله وجهك بياض يدخلك الجنة يا أبا عبدالعزيز

سلمت وسلمت يمناك على نقل وطرح هذه الرائعة

وصح لسان الشاعرالقدير / سيف أبا العلا

والشيخ / سعد بن جريب يستاهل ماقيل فيه

أسأل الله لنا ولك ولجميع إخواننا المسلمين التوفيق والسداد

في القول والعمل إنه هو السميع المجيب

وتقبل خالص تحياتي

اقتباس:
المشاركة الأصلية كتبت بواسطة الشاهين

ابداع ابالعلا في الشيخ : سعد بن جريب

ياللي تفكر حاتم(ن)مالـه اشبـاه

بيشة بها حاتم وتـر لـه علامـه

اكبر علاماتـه ليـا جيـت تلقـاه

ماينحـر إلا اللـي كبيـر سنامـه

صح لسان قايلها

وابو علي يستاهل

لاهنت يابو عبد العزيز

الله يعطيك العافيه يا ابو عبدالعزيز
وصح لسان سيف ويستاهل سعد بن جريب
لاهنت تقبل مروري واحترامي

الشيخ سعد بن جريب يستاهل المدح
صح لسان الشاعر بن العلا
بيض الله وجهك علي النقل ياشاهين

شاعر كفو وجزل وعلومه غانمه .
وبو نمر يستاهل الطيب ..
وهو راعي جميل ,,
بيض الله وجيهكم جميع ..
تقبل مروري المتواضع .

يعطيك العافيه
نقل في غاية الروعه
تقبل مروري

صح لسانك ولسان الشاعر نقل رائع وبيض الله وجهك يالغالي
الله يعطيك العافيه لاهنت
لك مني خالص الشكر
تقبل مروري