الموقع الرسمي
لقبائل بني منبه شهران العريضة
|
|
الموقع الرسمي لقبائل بني منبه شهران العريضة |
|
|
www.bnymnbh.com |
#1
18-06-12, 11:30 AM
أبن هندي والجبيراني
من المراسلات لابن هندي قال الشاعر سعيد بن محمد بن ثنيان الجبيراني الاكلبي
البارحه يابن هندي فـوق الامـواج= يصفقبي الموج والريح اسعفت لـه
في غبة البحر ماغيـر أدلـج أدلاج= والعين لا شاهدت نجم شكـت لـه
والدمع من حجر عيني يزعج ازعاج= والعلم عند ابن هندي ويش بكت لـه
وضعي خطير ولا لي منه مخـراج= قلبي شبكبه ورجلي درهمـت لـه
والمشكله مشكلة تهديـد واحـراج =ويش حيلت الرجل لا هـدد بقتلـه
ياناصر العلم شف لي منـه منهـاج= الحبل تقـدر علـى نقضـه وفتلـه
ترني على نفعتك مشفـي ومحتـاج= الدرب مخطور والنفس عزمت لـه
انا على الخطـر والـدرب منعـاج= واداري الحبـل مــاودي بنتـلـه
وانا توهقت لي فـي حـب غنـاج= مخلوقة راعي الصنف حبلـت لـه
اروح واجي وقلبي يخلـج اخـلاج= وان جا بيرتاح قامت وغنجـت لـه
وتلنـي تـل خطيـا بيـد نـسـاج= وليا قبل الروح قامت وصفقت لـه
يامسندي يابن هندي شف لي اعلاج =الوضع ماهوب حب الوضع شتلـه
رد الشاعر / ناصر بن عايض بن هندي المنبهي الشهراني رحمه الله
البارحـه صابنـي مثـل التشـنـاج=تشنج القلب مـن دعـوا لفـت لـه
هاجـوس قلبـي تولجنـي تــولاج=من ديرة اكلب همومه طرشـت لـه
يشكي سعيد ويذكـر ناضـره هـاج=كن السحايب من المنشاء رفـت لـه
يقـول دمعـه علـى الخديـن دراج=والسهر والف عيونه وطمحـت لـه
يشكـي ويبـدي بشكـواه التحجـاج=خوف من اللي على الموج افرشت له
العلم جاني بـه القرطـاس والـزاج=وبيات شعـر بناهـا واستـوت لـه
حي الرساله عـدد مايدعـي الحـاج=وعندي مطاليبها واللـي هقـت لـه
فرشـت قلبـي لهـا زل وديـبـاج=واهتز روحي لها يـوم اقبلـت لـه
وقـام يبتلـج لهـا وجهـي تبـلاج=واقوم واطيح حشمـت مالفـت لـه
وجهزة حشمت سعيد خمسة افـواج=كم من غريق نخانـا وافزعـت لـه
وانـا لهـا دايـم زيـزوم وسـراج=ونحظر المطلب اللـي جهـزت لـه
غريق موج الهوى في ساحل العـاج=لا مازهـم بالعـوادي فرجـت لـه
ماجور يامشتكي وابشـر بالافـراج=الحل عندي ولاقـلام صرفـت لـه
مادامنـا ياسعيـد ربــع وشـمـاج=فصديقنـا بالخيانـه مانخـت لــه
تشكي علينـا وحـب السمـر فـلاج=والحب روس المناعير اخضعت لـه
ان كان غاليك عن درب الوفـا مـاج=فكيـد صـده برراريـق زمـت لـه
وانا الـذي مانـح لـه رتبـة التـاج=لولاي غابت نجومـه ماشرقـت لـه
لكن ماطعمـت بـه غلطـه وهـراج=ويش لوان ماعاش والدنيا صفت لـه
جزاه في برج شمسه تفتـح ابـراج=حتى نشوف الحناشـل لاغـزت لـه
ونعوضكـم مـن تجنـب كـل دواج=ومدوريـن الطمايـع مامشـت لـه
ريـم حذيـر مـن الحنـاش هجـاج=والعلم وصل من صوبك رسـت لـه
لاصار عـدك عليـه اورود ونخـاج=فصديقنـا بالخيانـه مانخـت لــه
وسلا متكم مراسلا ت قديمه اتمنا ان تنال على اعجابكم</i>
آخر تعديل ابن هندي يوم
18-06-12 في 11:33 AM.
20-06-12, 11:26 PM
#2
عضـــو مجــــلس الاداره
◊۩ www.bnymnbh.com ۩◊
رد: أبن هندي والجبيراني
ابيات رائعه
والله يرحم الشاعر ناصر بن عايض بن هندي
واشكرك على النقل الرائع
تحياتي واحترامي
21-06-12, 05:21 AM
#3
حَيثُ اَجِدُ إِحتِرَامِي وتَقدِيِرِي
رد: أبن هندي والجبيراني
بيض الله وجهك اخوي ابن هندي ..
ورحم الله شاعرنا القدير ناصر ابن هندي
واسال الله ان يمد شاعر اكلب بطول العمر
Facebook:السكب الشهرانيTwitter: @almnbhyابو عامرEmail: almnbhy@hotmail.comGmail: almnbhy@gmail.comلا سلام من الناس .. ولا راحة في الدنيا .. ولا نجاة من الموت .. فاعمل لآخرتك تسعد في دنياك ..
«
الموضوع السابق
|
الموضوع التالي
»
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
أكواد المنتدى متاحة
الابتسامات متاحة
كود [IMG]متاحة
كود HTML معطلة
الساعة الآن 06:10 PM
العرض العادي
