قصيدة رد الجمايل

قصيدة رد الجمايل

يالله دخيلك عن دروب الظليمه
وتصون قلبي كان صوبه تمايل
وتجعل خطاوي رحلتي مستقيمة
تسوقهامع كاسبين النفايل
من بعد ذكره هز جاشي نديمه
قوافي قامت عليه تهايل
قوافي ما عدها للبهيمه
عسفتها عسف المهار الأصايل
واقلبي اللي ماكنٍ فيه ضيمه
عاش بزمان المضيعه والتحايل
راحت علوم المرجله والحشيمه
مع الرجال اهل الفعول الجزايل
فعل الجمايل ماله اليوم قيمه
ولاحد يهمه كيف رد الجمايل
يلحقك في هرج القفا والنميمه
لو انت عامل في جنابه عمايل
الحين لو يكفيك شره غنيمه
تسلم من لسان الردي والفشايل
يالله عسى رد العواقب سليمه
وتنشي علينا من صدوق المخايل
وتغسل ضماير بالمعاصي مقيمه
وتشيل حقد أهل القلوب العلايل

يعطيك العافيه
صح لسانك يالغالي
تقبل مروري

صح لسانك ولسان قايلها
اشكرك على الطرح المميز والجميل
وودي وتقديري

مرحبا بك والله يحييك وقصيدتك يالذيب ..
صح لسانك وبيض الله وجهك ..
لاخلا ولا عدم ..
والله لا يحرمك الأجر .
تقبل مروري المتواضع ..

صح لسانك ولسان الشاعر
لاهنت بيض الله وجهك

تقبل تقديري

صح لسانك ولسان قايلها
تقبل تحياتي واحترامي

بيض الله وجهك
قصيده رائعه وجميله
تقبل مروري
د.الفارس

طرح مميز
يعطيك الف عافيه

قصيدة جميله
يعطيك العافيه