معاناة بن جدلان مع ظروف الزمان

إلا يالله عفوك لامعي بيجر ولا جوال =ولا عندي وظيفة والتجارة فاشلن فيها

ولا عندي شهادتن ولا حرفة تسد الحال =ولأحضن كبيرن لا خطت الجره يقديها

مخابي الثوب تومي مادخلها من زمان ريال =بها فاتورة الكهرب ولايمديني اقضيها

على ذيك العراوي تتعب الحادي على الجمال= ثلاث شهور في الورشة وشهرين مغطيها

أبيها لو تجمل يوم واجلبها على الدلال =يجيها واحدن مثل حضي ويشريها

نصيت العسكرية يوم قالوا للنظام أرجال = وقدمت الملف وصورتين متشخص فيها

خذ الأوراق مني واحدن ماعند بوه دلال = سلوم الناس وأهل المعرفة والطيب مخطيها

قراها في دقيقة والتفت عجلا علي وقال =شهادتك العظيمة ياولد وين أنت مخفيها

هزيت الرأس ماعندي تقول إني من البنقال = وقمت أحب خشمه واطلبه بالله تمشيها

حذفها من يده شين الطبيعة والنبأ والفال= وقال تعود صوب نوقاتك تعشيها

تناوشته من الكرسي وعقت الحل والترحال =وضربته بالبياله عقب مابيحت شاهيها

خذوني للسجن لأنيب لاظالم ولا محتال = مجرد واحدن جا يكحل عيونه فيعميها

ويومني خرجت أقفيت لأرض الله وسيع الجال=على برن هواه يداوي العلة ويبريها

أدور قصعة الجربوع والضب الفتى يحتال =والأرنب ياشفاة الروح محلاها وطاريها

بلا كهرب ولاغازن ولا بيجر ولا جوال = قوانين الحضارة لاتبي شوفي ولأبيها

لا هنت
على النقل الرائع

مخاوي الليل صح لسانك ولسان العبقري بن جدلان
عرفت تنقي وتختار كثر الله من امثالك
لوعندي صوره لك وضعتها بجانب بن جدلان
تقبل تحياتي وتقديري

الله يلوم اللي يلومه
لاهنت بيض الله وجهك
اشكرك على النقل الموفق والرائع
لاهنت تقبل مروري احترامي

مشكور
تقبل مروري
الــ ع ــطر الــ ف ــواحـ