قصة وقصيدة ابن سرار

قصه وقصيدة ابن سرار



بسم الله الرحمن الرحيم



السلام عليكم ورحمة الله وبركاته







قصه وقصيدة للشيخ الشاعر الفارس
محمد بن سرار المنبهي " رحمة الله"وهو فارس من فرسان قبيلة شهران
العريضة و له هذه الملحمة والتي تبين فروسيته هو وربعه ومجابهتهم للأعداء..
ويندب ابنه عمرو للعوده وهو مع خواله "سبيع" ليعيد ابل جاره التي أخذها القوم..
هذه القصيدة بدأت بالبيت المشهور الذي انتشر وتناقله الجميع وبقي محفوظاً
في ذاكرة التاريخ باسم هذا الفارس..
وإليكم ما قاله ابن سرار

ان عشت يا راسي كسيتك عمامه.......... ........وان مت يا راسي فدتك العمايم
يا راس شيبك ما بدا بك مذله،،،،،،،،،،، ،،،،،،،،،، والشيب تكرم به كبار اللمايم
الاجواد يكرم شيبها في مشيبها،،،،،،،،، ،،،،،،،، نقالة القاله محوص الصرايم
ياما نطحنا في الصبا من قبيله،،،،،،،،،، ،،،،،،، يوم الصبا والرمح للكيف رايم
و ياما خذينا تونا من كسابه،،،،،،،،،، ،،،،،،،،،، بسيوفنا راحت تقسم غنايم
و ياما نسفناهم على جال وادي،،،،،،،،،،، ، و ياما نحونا فوق سود الشكايم
اربع مية خيال جونا مسيره ،،،،،،،،،،،،،،، جونا يبون الغرس حلو الطعايم
وقالوا يسار الغرس والا يمينه،،،،،،،،،، ،،،،، امس لكم واليوم جا فيه سايم
وقلنا لهم من دونه الموت حامي،،،،،،،،،،، ،،،، اليوم نهدي الروح نخشى اللوايم
وثنيتها لعيون غرس بكاير،،،،،،،،،، ،،،،، يثمر بهيبتنا غصونه نعايم
واخذت اطاردهم وانا فوق قبا،،،،،،،،،،،، ،،، مثل الهدود اللي عن العشب صايم
تلحق ليا غارت ولا يلّحق بها،،،،،،،،،،،، ،،، شقرا ولا ضريتها بالهزايم
من يوم بان الفجر لين اعتلى الضحى،،،،،،،،،، ،،،،، وحنا نقلط للمسير عزايم
والله عطانا منصب الحق والظفر،،،،،،،،، ،،،،،، يوم التقت بين القروم الولايم
يوم اسلموا للمنع واسندت عنهم،،،،،،،،،،، ،،،، لياهم كما عشب لفح به سمايم
هذاك اسير وذاك يومه دنابه،،،،،،،،،، ،،،،، وهذاك مكسور وهذاك شايم
هذا زمان فات ما ينفع المنا،،،،،،،،،، ،،،،، يوم اذكر الماضي تزيد العضايم
الراس شاب وثالثة رجلي العصا،،،،،،،،،، ،،،،، والله يوقظ قلب من كان نايم
لعل قبل الموت نسمع بشيره،،،،،،،،،، ،،،،، بجاه من يحي العظام الرمايم
وصلاة ربي عد ما ذعذع الهوا،،،،،،،،،، ،،،،، على النبي واصحابه اهل الكرايم
وانا ابن سرار علومي قديمه،،،،،،،،،، ،،،،، ( محي عسرها طيب الليالي القدايم)


ويُروى إن ابن سرار كان متزوج من امرأتين وإحداهن سبيعيه من ال محمد وعندما حملت
طلقها وذلك لانه يفضل زوجته الثانيه عليها التي أنجبت له ثلاث أبناء حسب ماذُكِر ولكن
مافيهم خير واوصى السبيعية اذا كان المولود ولد ان يسمى عمر ويقص ابهامه الايسر
وان كانت بنت تسمى رماده ويقص ابهامها الايمن وفعلا انجبت المرأه ولد وسمته عمر
وقصت ابهامه الايسر وعندما كبر عمر سأل امه وطلب منها معرفة من هو ابوه فأخبرته قائلة ..
ابوك ابن سرار شيخ بالحكم من شهران فرحل لأبيه...
يقول ابن سرار بعد ان اخذ القوم ابل جاره البقمي يخاطب إبنه عمر .........

لاياعمر يابوك أنا عارضي شاب
علي من جور الزمان انهزامه

راحت حلايب جارنا عند الاجناب
وغنيم صار مقدم للجهامه

وغنيم يوم انا نخيناه ماثاب
من لقوة القيمان تبرد عظامه

من عقب مانركب على الخيل بحراب
ونقابل اللي يلبسون العمامه

لاصار به يوم للأرواح قصاب
اناجزي الخايف ونكرب حزامه

وخطوا الولد ماهوب للطيب كساب
نفسه معودها لدرب الملامه

عند الربايع لاتغرب ولاغاب
ثور قرونه حسها في سنامه

زوله كبير وفتنة حول الاطناب
ويزعل علي امه لاتوخر طعامه





وعندما وصلت القصيده الى ابنه عمر ارسل له بالرد التالي

ياشيخ تعذر غايبك مثل ما غـاب........... .... والذنب ذنبك يوم تطلـق ازمامـه
ان كاني من نسكـم يـوم غـلاب.......... .......... بنيت بيتك فـي طويـل العدامـه
والصيت يرجع لك ولك فيه مظراب.......... صيت ابن سرار حسب ما يرامـه
والله ان يمر القوم ما مر الاحزاب........ .. لو صار من بين الفريق انقسامـه
والبل ترجع لك على عد واحساب......... ..... ابل القصير للـي عزيـز مقامـه
بيوم به الغـران ياتـون شيـاب.......... ....... الا انهـم يبغـون درب السلامـه
حلفت دينـه فيـه مانـب كـذاب ............... .....يا جارك انه يهتنـي فـي منامـه
والبل وصرتها مع العقل تنجـاب......... ........ اوكد من اللي قيـم فـي صيامـه
وانا لحوض الموت وارد وشـراب......... . لعيون من وصا بقصـة ابهامـه
وترى الوعد ما بيننا ثجر واغراب......... . كلا على الموعد يشـاور عمامـه
وانا شويري سيف هند له انصاب.......... ورمح مزهينـه بريـش النعامـه



هذا وسلامتكم