راعي الطيب

راعي الطيب

قصيده في جدي الشيخ / عثمان بن فايز النجود

اطلقت بيبان القصايد وللحان *** مثل الصقور اللي تزايد هددها
من سلطنة فكري لفتني بجيهان *** زين البيوت اللي تزايد عددها
واخذت اعاملهاوسط كل ميدان ***مثل الشعوب اللي تطاوع سندها
وارتب القيفان في كل لحيان *** محزم معانيها في هيبة كندها
هذي طبيعة خاطر الهيض لابان *** تمدي مراميها على زند يدها
منها مدحنا أهل المدايح بقيفان *** شعر (ن )يشوق كل منهو رصدها
من فعل ماضيها مع مر لزمان *** مخلف هقاويها ولاخلف قددها
أهل الفعول اللي على خير واحسان *** الله مرشدها وربك سعدها
قومن على الموقف طويلين ليمان *** لاصار فيها مكسبن في ولدها
لاصار رآس المال فالطيب سلطان *** تلقاء مكاسبها ولرباح قدها
شرواك مكاسب راعي الطيب عثمان *** جدي ولد فايز عمدها عمدها
يشهد له التاريخ في كل مكان *** ماهو كلام اللي تبي قبض يدها
والله لون الروح تهدى على إنسان *** لهديه روحي طول الله مددها
من شان يركد كل جني وشيطان *** بعض الحيايا اللي تنفخ غددها
وفي نهايت جاه شعري وعد ثان *** فيه النتايج عاجله في وددها
خير(ن) أسوي اليوم حكمه وبرهان *** لا صار في بكره بتنتج حصدها

عثمان بن مبارك بن خويتم النجود

صح لسان يا ابو مبارك
والله يعطيك العافيه
تحياتي واحترامي

صح لسانك ياعثمان

مبدع يابو مبارك وليس غريب عليك الشعر
جدانك كلهم شعراء
ومن عائله معروفه بالكرم والجود

تقبل مروري

صح لسانك يابومبارك على هذه القصيده ولك جزيل اشكر تقبل مروري

صح لسانك ياشاعرنا ويستاهل جدنا المدح
تقبل احترامي وودي.