رفقة البايع الشاري

. أنا ما أعرض غيضي على شان أسوم رضاي
ولا أدنات يزعلني ولا أدنات يرضيني
لكن الرجل لاشمت عنه وطويت رشاي
فلا ودّي أحد ٍ يدّخل بينه وبيني
ولاني بأحسّب رفقة البايع الشرّاي
ليا ضاق يرخصني !! والى راق يغليني
ولاني بردّ الراي للي ماعنده راي
ومن لانشد منّي فلاهوب يعنيني
ولاكل من يخطي جعلته على يسراي
ولاكل من يجمَل جعلته على يميني
والى خف وزن الهرج ماني بأجيب أقصاى
أقصّر محاريفي عن اللي يداعيني
ولا بأدخل خدوش الرياجيل في دعواي
أعرف الصواب وشوف عيني يقدّيني
وزماني ولو وقّف معي مانسيت اعداي
والى من وقف ضدي !! رصيدي يكفيني
لابان الرفيق المخلص الوافي الحمّاي
عزومه تعزّمني وهرجه يسلّيني
وضيقة قليل الفود عندي سواة رضاي
ولا أبيه يزعلني ولا أبيه يرضيني .

ولاني بأحسّب رفقة البايع الشرّاي
ليا ضاق يرخصني !! والى راق يغليني


ياسلام ياسلام

متعه يابوعبدالله

سلمت يالغالي ودام لنا ذوقك الراقي

وصح لسان قايلها

ودي وتقديري

ابن دغيم

صح لسانك ولسانك الشاعر

على هذه القصيدة الجميله

في منتهى الروعة سلمت لنا ودام لنا تواجد العذب

تقبل تحياتي وتقديري

ابن دغيم

صح لسانك ولسان الشاعر

اختياررائع

تقديري واحترامي

ولاني بأحسّب رفقة البايع الشرّاي
ليا ضاق يرخصني !! والى راق يغليني



ابن دغيم
الله يعطيك العافيه على هذا النقل الرائع
لك مني خالص الشكر والتقدير

نقل جمييييل
سلمت اناملك

قصيده رائعه
صح لسانك ولسان قائلها
اشكرك على النقل الرائع
تحياتي واحترامي