ف عيني ارتفع غيرگ وطحت - الموقع الرسمي لقبائل بني منبه شهران العريضه

#1 17-12-12, 04:44 AM

في عيني ارتفع غيرك وطحت

جيتني " نآدم " من الدنيا تصيح
ما تنام الليل ، وأدري ما ربحت !

شوف وش سوى عنادك ؟ يا جريح
لا [ مريِّحني ] .. ولا حتى إسترحت

من فتحت الباب .. جاني منْه ريح ..
طرت من إيدي وأشوف إنِّك ( فرحت ) !!

لا تصدِّق كل من جاك بـ " مديح "
من عدوي ، ياما والله إنمدحت !

شمعة الفرحه من أخطائك .. تسيح !
( الغرق ) محتوم لك .. مهما سبحت !!

منظر " الفرقا " .. ترى جداً [ قبيح ] !!
مو نصحتك ؟ ليه يعني ما إنتصحت !!

صرت في وصلك عن عيوني شحيح ..
إنعمت عين الوصل ..
وينك !
سرحت !؟

إعترف في غلطتك .. خلك " صريح " !
لا تكابر بـ الخطا دامك جرحت !

كآن ودّك في فراقي .. تستريح ؟
بسمَع الموضوع كامل لو سمحت !

خنتني ! وشلون ؟! علِّمني الصحيح !
وين عنِّي رحت / عنِّ وين رحت ؟

كنت أظنَّك
من عيوني مآ تطيح
لين في ( عيني )
إرتفع غيرك ،
و ..
طحت !!

/

× خارج النص×

يا صاحبي، رح قلها !
أرقى القصيد اللي كتبته مستحيل يآصل لهآ
وأني على ماقد أبرقى .. مستحيل آصل لهآ
وإن السنين اللي غزآهآ القيض ..ترجى ظلهآ
وإن العيون اللي يمون الحزن فيهآ .. مستحيل تملّهآ
وإني بعد ما جآرت الدنيا بديت أصبح !

ب
ق
آ
ي
آ

خلهآ !