مرثيةفي الاخوان الاربعةاولاد محمد فلاح القحوم شعر بن شوكان

يلي تقول الذبح في حمص والشام = الذبح والله ياعرب في بلدنا
كم لحية (ن) راحت على راس صدام = وكم جثة (ن) وسط الشوارع شهدنا
وكم في البيوت من الارامل وليتام = وكم غالي (ن) بسب الحوادث فقدنا
ولافيه بيت الا نصب توه اخيام = ومافيه حادث مايكدر سعدنا
ماكن حن نسكن وسط دولة اسلام = الانظمة نحطها آخر عهدنا
مواتر (ن) في سرعة الطير لاحام = صنع اليهود اللي تدور نكدنا
السرعة اللي تفرم لحوم وعظام = انا اشهد انهااللي تقوم اتحصدنا
تكفون ياهل العرف وصحاب لحلام = هاتوا جهدكم وبذلو مع جهدنا
الموت حامي والعرب كنها نيام = مر (ن) يصبحنا ومر ايهجدنا
اسبابها ماجا قبل عدة ايام = الحادث اللي هز لقصى ولدنا
ياربعنا يلي غدوا كسرة ابشام = يارب تنصرنا على من حسدنا
الله وكبر لربعه راحو اشمام = ياخيرة الله يام راحوا سندنا
ياناصر اصبر مايفيد التهشام = ترى ولدكم حاسبينه ولدنا
يارب صبر من تعب فيهم وقام = يا واحد (ن) ماغيره احد (ن) عبدنا
عسى جنان الخلد لربع قدام = اخير من دنيا (ن) عليها حسدنا
شعر / بن شوكان