قصيده في الشيخ/سعدبن علي بن جريب من الشاعر/سعدجمعان التوبي

يالله ياللي بالمخاليق رحمان=علام مافي الكون خيرن وشرا
انك تقديني على خير ماكان=ياجابر المختص كاسي المعرا
واعوذبك من كل حاسد وشيطان=واللي على اعمال المعاصي تجرا
ياهاجسي وردوعبر على شان=يدري بمضمون الهدف من تحرا
اوضح المقصودواعلن به اعلان=مادام في الدنيا حلاة ومرا
الطيب له شاره ورايه وعنوان=يستاهله من فا**ه ماتدرا
امثال بونمر وشرواه زومان=شيخ الشيوخ اللي علومه تسرا
شيخ الشيوخ اللي لياجا الطلب بان=ماهوب لاش في كفوفه تذرا
لاهان شيخ يرفع الراس لاهان=شيخ على فعل الجمايل مضرا
لاما تردا بارد المحزم فلان=القامح اللي هقوته ماتطرا
مال الحمول الاجملها بليهان=لاقلت الحيله وكل تبرا
زيزومها ابن جريب في كل ميدان=في برد والافي سموم وحرا
نسل الشيوخ مخضبين ادهم الزان=بالدم لاجا للمشاهيب كرا
يوم المعارك في الميادين فرسان=واليوم ملفى للحقوق ومقرا
يستاهلون المدح ذربين الايمان=واخص بونمربها ماتزرا