قصيدة للشاعر : سعد بن جمعان التوبي

قصيدة للشاعر : سعد بن جمعان التوبي في قبائل شهران

بسم الله ابدا الهيض واعلن اعلاني=واعوذ بالرحمن من نزغة ابليس
ياهاجسي وردتراني تراني=باطلق سراح ابيات شعر محابيس
ابيات شعر صاغها الترجماني=مبنية من قو معنا وتاسيس
اضلاعها وجسورها اول وثاني=وبطونها فيها المعاني مراميس
واطوالهاواعراضها والمثاني=اخذلها من كل ركن مقاييس
فيها دررمن نادرات المعاني=مدروسة من العرف تدريس
واعطي على مضمون هيضي ضماني=من شان مااترك فرصة للجواسيس
ياهاجسي لامن ليلي ضواني =سريت مسرا الذيب نظم وهراميس
اسهر ليا نامت اعيون الهداني=كن في صبي العين شوك ودبابيس
وانظم المعنا على شان شاني=امافرح واسرور والامحاسيس
واغزي معاني الشعر قبل اتغزاني=ولاتلمس للمعاني تلاميس
شاعر ولي بين النشاما مكاني=وليا دعيت الشعر مروايس
اجنيه من حلو الكلام اجنياني=والبسه من غالي الرمز تلبيس
واختار منه الايق ليا طراني=واكب فسله للوجيه المفاليس
وانقا منقات الهروج السماني=وابعدعن اللي فيه همس وساويس
وادخل على الله مايطرف لساني= ولااستخف المغريات الهواجيس
انا اشهراني وافتخر باشهراني=اهل الكرم والجود واهل النواميس
شهران شهران الحنه والوحاني=لاطامت العايل وفكاكة الكيس
كم فارس منا وكم صيرماني=لباس للجوخ والدرع والطيس
**ن الدخيل مقدرين العواني=والضيف مانذبح له العنز والتيس
نذبح له خيار الكبوش السماني=وانقلطه بصدور عوج المجاليس
وخوينا يامن بحد السناني=لوكان من شعب الجزاير وباريس
ويشهدلنا تاريخنا من زماني=مقطع حقوق وفالميادين فريس
هل ديرة منها وفيها التماني=تسوى ذهب وديانهاوالتضاريس
تسوى الذهب والماس واللولواني=ولاتمربها القنص والعواسيس
برانها سدر وسلم وضهياني=وديانها بر وغرس معاكيس
والحضر منا في قصور ومباني=ومجالس فيها تعاوى المهاريس
والبدو هل الادباش والجيهماني=تحماحماه بما تحوش الترابيس
تحماحماها بازرق الجمبخاني=يوم الذبال يشب مثل المقابيس
واليوم حنا في رغد واطمناني=امن ومان مادخل به تناحيس
الدين واحد والقبايل خواني=غصب على الشيطان واهل الدنافيس
وقرايح الشعار شرح وبياني=عن واقع الحاضر وماضي النباريس
البل خلقها الله من اول ازياني=يحبها الفارس ونقالة الفيس
من يستهين بها عساه الهواني=والله يوريه النكد والمتاعيس
يازينها في موسم المربعاني=في خايع قدامها ما بعد ديس
حيرانها تبرالها ياحناني=وفحولها كنها الاهله مقاويس
سود الجهام منجبات المجاني=كنها على صوت الموده حواميس
لاروحت قل مدلهم الغشاني=قعس الظهور موردات النسانيس
وكن عفرهابردى قنيف كناني=والاحصى عبلا تبارس تبارس
وشعل وبرها كنه الزعفراني=وعيونها كنها عيون القرانيس
ووارك بين ابيض واسمراني=جردتن** روس الاشجار تنكيس
والاحضانا لونها قرمزاني=حمر مناكبها عراض مرادس
عكش الوبر درم السماري متاني =كنه من المصنع كبسها كوابيس
لاشفتها جاني هبال وجناني=كنه يولع في فوادي فوانيس