قصيده غزليه لشاعر/ناصر بن عايض ابن هندي

ياحمام على الاغصان غنا وغنا=هيض القلب يومني سمعته ينوح
قلت له ياحمام الورق غادر وطنا=الله لايجزاك مني خير ودي تروح
قال ويش السبب وش جاك يرجل منا=قلت تمزح وتحسبني سواتك مزوح
قال انا باتعلم فوق الاغصان فنا=قلت صوتك يذكرني الحبيب النصوح
قال انا ماشحني كل قلب معنا=قلت قلبي من الفرقا عطيب الجروح
قال انا باتمنى كان ودك تمنا=قلت بعض التماني ماورها نجوح
قال انا باتذكر عصرنا يوم كنا=قلت مقهور بالماضي وبالحاضر انوح
تذكر الماضي ولو فات عنا=ياحمام العدامه فات نثر السروح
مالقيت الذي نقش كفوفه بحنا=ناعم العود قلبي في هواهم سبوح
قال جهز مكاتيبك وننفعك حنا=قلت روح تقارنها على ماس روح
قال يارجل هذا مقصدك تمتحنا=قلت بالعكس طرفك للمولع ذبوح
قال قلبي من الفرقى ضلوعه تونا=قلت لاشك عند العطف قلبك شحوح
والحمامه تقول الظلم جاء من زمنا=قلت عيني من الفرقا نظرها يفوح
تنثر العين ماها مثل مزن تثنا=فيه حس الرعد والبرق وسطه يلوح
واسقر الحمام واعتلى وارجهنا=صار قلبي على المهياف ماله شبوح
والظماير بعد فرقا وليفي غدنا=مثل عشب من الكنه سمومه لفوح