قصيدة زمان يدفن ملوكه

قصيدة زِمَانٍ يَدفِن مُلوكَه

تمادى فكري الثاير تمادى واحرق اعصابي
عقب مالوّعت قلبي جروح العشق وهمومه
هواجس ترسم الفكره وترسل جملة اعرابي
واترجمها نقط وحروف وقافي ينتظر يومه
نثرت الحبر في دفتر تحوز رسومه اعجابي
اخطط له قبل لاارسم واقر اعجاب لرسومه
كتبت الشعر في عشقي وشرحت لطفلها اسبابي
ونسيت حكاية الفرحه تبادى لحظة قدومه
مكثت برحلتي مدّه تساؤل يغري احبابي
ادور لي على حظٍ . . . . . يكون لعثرتي قومه
سريت بليلة الفرقا ادّون فترة غيابي
اذوّقها حلاة الحب . . . واذوق الجرح وسمومه
عذابي ياعزى حالي من الي يحمل زهابي
من الي يمسح دموعي قصيدي مانهك عزومه
نظرت لآخر دروبي بنظرة فاقد اصحابي
لعنت ابليس ومن يهوى عذاب لنفس مرحومه
رميت الود من قلبٍ تمنى هلّت سحابي
عرفت العز في كفٍّ تسوق خشوم مرغومه
رقيت الهامه العليا بدون ادفع غلا جرابي
وصلت لحدّ يكفي فيه أذل الوقت وقرومه
نسيت البس قناع الكذب وبقى تسترني ثيابي
الا كيف الزمن يقتل أسد غابٍ وزيزومه
وتمادى فكري الثاير وعجز ينعق له غرابي
زمانٍ يدفن ملوكه ابد لاتاخذ علومه

للشاعر فهد القحطاني

صح لسانك ولسان الشاعر فهد القحطاني
لاهنت الله يعطيك العافيه
تقبل مروري واحترامي

بيض الله وجهك
تقبل مروري
تحياتي وودي وتقديري

صح لسانك ولسان الشاعر
تقبل تحياتي

بيض الله وجهك ..
وصح لسان الشاعر ..
لاهنت وبيض الله وجهك ..
تقبل مروري المتواضع .
لك مني تحيتي ..

صح لسانك يالغالي
بيض الله وجهك
مبدع
وطرح مميز
تقبل مروري