قصيده نصيحه لابن شوكان

يالله يلي دايم الدوم نرجية = ياواحد(ن) ماغيره احد(ن) عبدناه
ثبت لساني باالبيوت المنازيه = ويارب انا بسألك تغفر خطاياه
طيب الفتى حقة يجيبة بياديه = ومن لا يعدك شى عده بلا أياه
والرزق بيد اللي البريه تنا ديه = رب(ن) كريم(ن) وافياة(ن) عطاياه
وماكتب لك في اللوح غصب تلاقيه = لاباالحذر ينفع ولا قولة(ن) اه
والحر لا ما عاف وكره يخليه = والذيب يمشى لين يوصل معشاه
والسيل ياهل العرف تعرف مجاريه = والسيل مايجري على غير مجراه
والنفس لا علمتها العز تغليه = يصعب على النفس العزيزه تناساه
ويامل قلب(ن) كاثرات(ن) بلاويه = ويتله التلال صبحه وممساه
على حياة شرها اليوم تبديه = الخيرفيها قاصر اليوم مبداه
النجس فيها كابرات(ن) علابيه = يسرح ويمرح كابر اليوم علباه
راح الزمان اللي هل العز تشريه = والطيب قصُر وسط لسواق مشراه
وهنيكم ياهل القلوب المداليه = يلي على فعل الرديين دلاه
والبر يامحلا على البال طاريه = عقب المطر يازين شوفه وممشاه
يرتاح بال اللي المشاكل تباريه = والبر يجعل شايل الهم ينساه
ويازيين شوف الروض والغيث واطيه = ريح النفل مع الخزامى تعداه
وياما حلا شوف القطا في مفاليه = مع الصباح وزاهي الروض غطاه
مع صحبة(ن) لاشافت الصيد ترميه = نصفه غدا والنصف لاخرتعشاه
ويا ما حلا شوف الهدد ونت راعيه = في تختخ(ن) راعي الغنم ماتوطاه
والخرب مد الريش والصقر حاديه = يبغى النجاة ولحقه الصقر ممداه
وحول به القرناس من فوق فاريه = الريش طار وقامت الريح تذراه
والجمر شب وفوقه الصيد نشويه = هاذي طراة العمر وهاذي حلاياه
وآخير منها فرض ربي نصليه = ماخاب من فرضه على الوقت صلاه
والدين ياحماية الدين نفديه = لا خير فيمن باع دينه بدنياه
والجار لاتغدر بجارك وتوذيه = ترى النبي وصُى على الجار وبداه
والضيف لامن جاك لابد تقريه = حق(ن) عليك وشارع الدين وصاه
ومن رافق الغاوي عن الحق يغويه = والشوك ماشفنا حدا الناس يجناه
ونصحك في وصل الرحم لا تجافيه = الله يقطع كل قاطع ويمحاه
ولاتصدق النمام وحذر تواليه = سواد قلبه واضح(ن) في محياه
هرج القفا طبع(ن) على طول يحكيه = جبان ماقدر وجيه ولاجاه
وطعن القفا من طبع لنذال تنويه = عجز المداوي في بلا النذل وعياه
والخاين الغدار ربي يجازيه = عساه منا قلعة قعيط ورشاه
يالله تبلا كل غادر وتعميه = عسى جهنم لا بدى الحشر تصلاه
هاذي نصايح طيب والطيب نهديه = للي قصد درب المعزه ويبغاه
والبرق لاح وقلت سبحان واليه = كريم يامزن(ن) على الفيض مسراه
تسيل بيشه وترج يمشي علاويه = سقُى النخيل ونامي الزرع غطاه
وقال اللذي شوقه على هناك حاديه = شد الرحال وساق تالي مطاياه
وداع من غالى نوى ترك غاليه = وداع من قلب(ن) غلا الشوق يحداه
يااحبابنا درب السفر صرت ناويه = العذر منكم طالبه وتمناه
وللي زعل منا ترانا نراضيه = نرجو السموحه والزعل ماقصدناه
وصلاة ربي لخير من طاع باريه = عد السحاب اللي نشى ونتثر ماه
شعر/ بن شوكان

صح لسانك

وبيض الله وجهك

قصيده رائعة تستحق الاشاده

فالك التوفيق

صح الله لسانك وبيض الله وجهك
قصيده رائعه ومميزه

تقبل مروري ولك ودي وتقديري

جميل ماطرحت بيض الله وجهك ولك خالص تحياتي

بن شوكان كماعهدناك من ابداع الي ابداع

قصيده جزله ونصيحه مفيده للجميع

اشكرك من اعماق قلبي

دمت في حفظ الرحمن

هاذي نصايح طيب والطيـب نهديـه للـي قصـد درب المعـزه ويبـغـاه
والبرق لاح وقلـت سبحـان واليـه كريم يامزن(ن) على الفيض مسـراه
تسيل بيشه وترج يمشـي علاويـه سقُى النخيل ونامـي الـزرع غطـاه
وقال اللذي شوقه على هناك حاديـه شد الرحـال وسـاق تالـي مطايـاه

شكرا على هذه القصيدة الرائعة

وليس غريب عليك الابداع يابو محمد

تقبل تحياتي

وفالك الطيب

صح لسانك
وبيض الله وجهك
قصيده رائعه
تحياتي واحترامي

قصيدة رائعة

بيض الله وجهك

والله يعطيك ألف عافية

-- تحياتي --