بكيتني حسبي على إبليس يا دعيج = وذكّرتني بإسم الحبيبة على الروح
الغالية من دون قولٍ وتهريج = واللي لها في قلبي أبراج وصروح
لو البكا بيفيد لملا صهاريج = من دمعي اللي فوق الأوجان مسفوح
وأبكي مع مثلي وأججه تاجيج = يا اللي فقدت أمك على وين بتروح
إحرص من الرجّة ودرب المراجيج = ودرب الخطا ما أحدٍ لقى منه مصلوح
وعليك باللي يعشقون المناهيج = اللي عملهم طب لكبود وجروح
وسلم عدد ما هب نودٍ على هيج = وعداد ما ساقوا هل البل من سروح
على النبي إمفوّج أمته تفويج = ويسقي من حياضٍ كما المسك وتفوح