عرض مشاركة واحدة
#1  
قديم 21-07-11, 03:51 PM
مشعل جمعان التوبي غير متواجد حالياً
Saudi Arabia    
لوني المفضل Cadetblue
 رقم العضوية : 55
 تاريخ التسجيل : 2011 Apr
 فترة الأقامة : 4723 يوم
 أخر زيارة : 17-03-13 (11:24 PM)
 المشاركات : 161 [ + ]
 التقييم : 11
 معدل التقييم : مشعل جمعان التوبي is on a distinguished road
بيانات اضافيه [ + ]
افتراضي مشعل التوبي و علي الغامدي



ابيات للشاعر مشعل الشهراني
موجهه للشاعر علي الزهيري



على الله توكلت وجهش خاطري ببيوت=بيوت(ن) تعبر عن هجوسي وخافيها
لعلّ الزهيري يوم يسمع يردّ الصوت=ويدري من العربان الاقصى ودانيها
يجاوب هجوسي يوم بعض الرجال سكوت=وعيّت تفهّمني وتفهم معانيها
انادي وباح الصوت والصدر فيه نهوت=ولا تسمع الصايح عسى الله يقاضيها
على بالها ان شعورنا مزحةٍ ونكوت=نغنّي لاجل تضحك وتصفق باياديها
لكن نصبر بصبر ابن متّى بوسط الحوت=مقدّر على نفس(ن)تخيب هقاويها
يكفّيني ادعس همّ ذيك السنه بالبوت=بعد ذقت مرّتها قبل ذوق حاليها
ورجانا على اللي جاعل(ن) للخلايق قوت=الهٍ عليم بكلّ نفس(ن) ومافيها
اجامل مع الايام لو سرّها مكموت=وجاتك علوم(ن) ياعلي كنت كانيها
فحيات ابن ادم كورةٍ ضاريه بالشوت=وعزّي لمن كورته تخطي مراميها
تبي ال**ده انه وصلني دعوةٍ وكروت=وتغاضيتها لو علّتي من تغاضيها
وانا قصتي مثل العواجي وحبّه نوت=يامزين مباديها ومشين تواليها
فوجودي على شوفة صحيبي قبل لآموت=قبل ماتوادع كل ّنفس(ن) وغاليها


( علي الزهيري )


على الله ويوصل حبل محبوبك المبتوت=وتبلغ معه نفسك لغاية امانيها
تجاوبت يامشعل مع شعرك المنحوت=وهيضت نفسي قبل تعلن توانيها
مزجت العسل ياصاحبي مع شراب التوت=وعدلت لأبيات القصايد مبانيها
تحن القلوب اذا حداها الضنى والفوت=وصار التنائي شغلها عن تدانيها
وغصن الوفاء بعد اخضراره غدى محتوت=وصار الضما عن رفعة الراس ثانيها
تصبر ترى بالصبر قوة رجا وثبوت=ولا تنتقص روح الوفاء عند شانيها
ترى الماس يامشعل بيفرق عن الياقوت=وانا قولها عن صدق مبدا وعانيها
تعوذ بذكر الله من سطوة الطاغوت=ورس السفينه لاقبلت في موانيها
يقولون راع الوجد مافادته بيروت=وتغني عن الساعه عقارب ثوانيها
وطرد الهوى مابين عله وقل بخوت=ولا ينفع النفس العليله تفانيها
ولافاد من يهوى ويعشق سحر هاروت=وكم من قلوبٍ تشتكي من مجانيها
وهاروت ماهاود عن المعصيه ماروت=وسرالمعاصي تبتدي من غوانيها
ختام البريه كلها قبر او تابوت=بدنيا عسانا نرتفع عن دوانيها



 توقيع : مشعل جمعان التوبي

ديواني بــ" مجالس العرب الادبيه"


رد مع اقتباس