تقدح هواجيسي


تقدح هواجسي لزين الطواريق
واخذو البيوت الحامية من طرقها

يهل الوعود وصادقين المواثيق
ياللي معا لصحاب كلاً وثقها

ايعزها الله بين كل المخاليق
والله كتب ارزاقها من خلقها

يأنوم عيني يالرجال المطاليق
اللي عريبن ساسها اثمر ورقها

تقدم معا لول بروس الشواهيق
والغمر منهم فالمعالي عشقها

لا صارت الدنيا تزيد المضاييق
يرسل لها الله ساحقن يستحقها

نعيش فالدنيا حظوظ وتوافيق
والناجحه من عند ربي وفقها

ببيوت شعرن كالمهار الصعافيق
افكم مهرتن خيالها معتلقها

لمى اقبلو اتقول ذولا مصافيق
واطيبهم اللي مهرته يصتفقها

اسبق من الطلقة وشف المطاليق
الرامي القناص يوم ان طلقها

شاعر ولي فالشعر غرب ومشاريق
قصايدن زين الدلع في حلقها

والحمدلله كل ليله بها افيق
على هواجيسن تفوز اب سبقها

واللي يبي مالبحر ميبلل الريق
خايف يموت وموتته من علقها .

عثمان مبارك خويتم