طلبت ربٍ عالمٍ ماكاني = جل جلاله عاليٍ سبحانه
إمنزلٍ جبريل بالقرآني = على نبيٍ حافظٍ قرآنه
ومن بعدها أرحِّب غلا صفطاني = بالشاعر اللي ما جِهِلْ عنوانه
يا مرحبا برسالةٍ تعناني = إعداد ما هل المطر ودانه
بالشاعر اللي بالحكم ناداني = شاعر وشيخ وينعرف مكانه
شاعر وشيخ وكلمته برهاني = لا ما أحتمى الموقف رجح ميزانه
سعد الرفيق وغدّة العدواني = لا من كلٍ ركب فوق حصانه
دعوى بني واهب زبون الجاني = يا فزعة المضهود يا مزبانه
ودعوى الحليسي لابةٍ شجعاني = وتخلص الديان من ديانه
والشيخ ظافر مقطع الحقاني = والله على كل المواقف عانه
إمكرم الجيران والضيفاني = في المجلس اللي عامرٍ بنيانه
الشاعر اللي بالحكم سمّاني = خلاني أنهج منهجه وألحانه
شاعر وأديب وفارس الفرساني = فعله ومدحه لازمٍ بيّانه
والشك زايل والإخوان إخواني = ما هو غريب الأخ عند إخوانه
ويشهد له الموقف مع الشرهاني = وتشكره هل بيشة وصح لسانه
وصلوا على محمد رفيع الشاني = اللي يزيل من الفؤاد أحزانه