مايستريح اللي عزم له رجاجيـل ...
قصيده اشتهر منها صدر البيت الاول لانه يغني عن قصيده للشاعر/ يوسف بن سليمان السرحاني البلوي رحمه الله وقدجاءه ضيف من جماعته من اهل القريات واسمه دابس بن مجلي السرحاني في عام 1402هجري تقريبا وكان كعادته رحمه الله يستأنس به ضيوفه لحسن استقباله لهم وسرده للقصائد والسواليف القديمه في مجلسه العامر وكان قلق ويشرف على كل صغيرة وكبيرة ويتفقد هذا بنفسه من قهوة وعشاء وخلافه وكانوا يقولون له ( استريح يابو مشهور )
فقال
مايستريح اللي عزم له رجاجيـل
اللي دعاهم للعشـا واستجابـوا
ماوفروا شاتي ذيابـة مكيحيـل
ولاعمرهم عن هبة الريح غابـوا
يستاهلون الحيل ذباحـة الحيـل
كم حايل(ن)من عقر الضين جابوا
يالبيض ياللي تلبسـن الخلاخيـل
شومن عن اللي للمواجيب هابوا
وسلامتكم
( مكيحيل) منطقه مشهوره بكثرة الذئاب
أتمنى ان تنال الاستحسان
|