بسم الله الرحمن الرحيم

قصيده مهداه للرجال الوفيين والقصيده تكلم عن نفسها
واترك لكم الاستمتاع في معانيها

يا مسوي الفنجال عده لبو جفين
واثنه لبو مبارك ويمثل قبيله

قبيلته مطير سقم المعادين
والواهبي بو جفين راع الطويله

ولمطير حمران النواظر شجيعين
في ماضي اول وحاضر شليله

هل المهار الشقر عرض الميادين
وخيالهم ينطح ويروي سليله

والمدح منطوق الرجال الوفيين
ورد الجمايل فرض في كل شيله

وترى الخبا طبع الرجال الذليلين
ولا الكفو يعوم بحره وسيله

نفسه مضريها على العسر والين
وقت الزهم يفزع وينجد خليله

وجموع شهران على العز ماشين
الجد شاهر والفعول الجليله

وشهران هل شرع وسلوم وهل دين
وقفاتهم مثل الجبال الظليله

انا شهراني وافتخر بالشهارين
رجالنا وقت العشا ذيب ليله

تشوفنا ناقف صفوف وسلاطين
ونكوي كبود اللى بكبده غليله

وربعي بني منبه حرار مسمين
منابه بظهور خيل اصيله

وكل القبايل نعم حظر وبداوين
كل بتاريخه يسجل دليله

وعن الردي جعله يذوق السكاكين
ويذوق طعنات السنين المهيله

وصلاه ربي عد ما خلق من طين
على محمد ما ندور بديله


كلمات/عبدالله بن سياف ابن ناير