أحب الرفيق اللي عيونه علي ويشوف = جروحي لو إني داله وما شكيت الهم
وأحب الرفيق اللي ليا شافني مكتوف = طلبني بجاهه قال طالبك قلّي تم
وأحب الرفيق اللي يرحّب لا شاف ضيوف = تبهلل ومن مصفوط ما ياجده يِكْرِم
وأحب الرفيق اللي شجيعٍ بليا خوف = ولا ما نوا ما قال .. تكفى يا خال وعم
وأحب الرفيق اللي ليا شاف ضول صفوف = نطحهم مفرع ما نشد هم عددهم كم
وأحب الرفيق اللي كما بارقٍ بقنوف = هماليل ودانه تخلي الفيافي جم
وأحب الرفيق اللي ليا شاف له منتوف = يحاول يغطي حاجته لين يجلا الغم
وأحب الرفيق اللي يجيه الحكي ويطوف = تقول إنه أصقه ما سمع كل متكلم
وأحب الرفيق اللي يحوف المراجل حوف = تجمّل وجمّل جعله الله لي يسلم
وأحب الرفيق اللي على جلستي ملهوف = ولا يقبل النمّة .. ولا يقبل اللي نم