ماضاق بالي

الوقت وظروف الليالي وليام
صارت على بعض العرب مدلهمه

ياوجد عين اللي من الهم مانام
وجد اللذي يمسح دموعه بكمه

ساهر طوال الليل م الهم منظام
يصبح على همه ويمسي بهمه

لاصارت الأحوال و العلم بقسام
أصبح يخاف انه يجيب المطمه

والوضع متغير على الناس بحكام
وأصبح على لجواء عجه وغمه

البارحه من زود ماعشت لوهام
مني خذا الهاجوس كامل متمه

وانا على عسر الليالي من العام
ماضقت من ليام لوهي مذمه

ماهمني بعض الحقايق ولحلام
مادام راسي له عقالن وعمه

أصول كل لرض م الغرب لشام
والعب مع الهاجوس في كل قمه

لو الفقر والقل لازمني اللزام
ماضاق بالي من عناه ومسمه

والهاجس اللي كل ليلن له احكام
ياطول ليله بي وياثقل دمه .

عثمان مبارك