ياسلام الله عليكم يا اهل واديّ ابن هشبل=يارجالٍ مجدهم عالي واهل صيت وبطوله
صيتهم عدّى النوايف فوق وارجاله ماتنزل=اهل شيمه واهل قاله .. كل موقف هم زحوله
الرجل منهم ليا منّه بدى فالشان يجمل=سدّ فاللازم ولاما بان ماتخفى فعوله
عزّهم عزٍّ لنا والطيب بين الناس يشمل=القبيله والولد والقيف في عرضه وطوله
فجابني دعوة حمد لاجل انّ شرح القاف يكمل=شاعرٍ ربعه عواشز مثل سيلٍ في دقوله
وانا من دعوى منبّه قيفٍ ينومس ويصمل=فرحة الهاقي هل الامجاد في صوله وجوله
لادعانا غاليٍ له في قلوب الناس منزل=يبشر بفزعة رجوله في ميادين الرجوله