يتمنى الشاعر /ناصر بن هندي في هذه القصيده مرابع الباديه وخاصة المنازل اهل الجنوب وهو في دولة الكويت
يالله اني طالبـك ياخيـر هـادي=ياالهي ماش لـي معبـود غيـره
يالـه الكـون يـارب العـبـادي=عالم الجهراء وماتخفي السريـره
عالم باللـي يلجلـج فـي فـوادي=تجبر الخصات وعظامـا كسيـره
رف بعين حرمت حلـو الرقـادي=دايـم تقضـي لياليهـا سهـيـره
نومها يحداه ياهل العرف حـادي=وطرفها يسهر ودمعتهـا غزيـره
كن فيها الهـزم دمعتهـا حشـادي=وان نصحت العين زادت بتعبيـره
ماتلام العين فيهـا السهـر زادي=بالخليـج وربعهـا يـم الجزيـره
وقلبي اللي في بحور الهم غـادي=يخطر المذهوب يصرم من ضميره
لابغيت ارتاح نـادى لـه منـادي=واستمر بهم بقعـاء فـي مسيـره
وحالي اللي قارب منـه النفـادي=في بلاد ما بهـا مـن يستشيـره
ياوجودي وجد من فيـه القيـادي=من ورى الشباك محتار البصيـره
ليت قبل الموت من زار البـلادي=لو تكون ازيـاره ايـام قصيـره
وليت من سج القدم بارض البوادي=من خشيم الذيب الى هضبه مغيره
وسار باقدامه مع الحزم الريـادي=ومد شوف العين من ديره لديـره
مع بنـي عـم مناعيـر عـوادي=المسير عندهم يضحـك نضيـره
من عقيلان المسمى الـى بـرادي=الى خميس مشيط به شيخ العشيره
فـي منازلهـم مرويـن الهنـادي=مكرمين الضيف والدنيـا عسيـره
ياشهران الحرب ياسقـم المعـادي=ياهل الـردات وسيوفـاً شطيـره
وختامها صلوا على داعي الرشاديعد ماناح الحمام وهـاض زيـره