الموضوع: تستاهل الامداح
عرض مشاركة واحدة
#1  
قديم 24-05-20, 03:57 AM
عثمان مبارك النجود غير متواجد حالياً
لوني المفضل Cadetblue
 رقم العضوية : 1853
 تاريخ التسجيل : 2013 Sep
 فترة الأقامة : 3857 يوم
 أخر زيارة : 30-07-23 (11:08 AM)
 المشاركات : 255 [ + ]
 التقييم : 10
 معدل التقييم : عثمان مبارك النجود is on a distinguished road
بيانات اضافيه [ + ]
افتراضي تستاهل الامداح



قصيده مهداه الى الشيخ / محمد بن سعد بن غاموش


المدح يزهابه كرام الرجاجيل
شروا الرفيق اللي عزيزن جنابه

وانا على علمي صدور ومقابيل
راع الوفاء والطيب حسنن مئابه

مثلك يبن غاموش طلق المعاقيل
لمداح في شرواك ماهي غرابه

تستاهل الامداح في كل ماقيل
ياسيفنا اللي قوته من نصابه

عزيز قوم ومن رجالن مصاميل
اللي لها التاريخ كلن درابه

خيالت العوجاء صفوفن مداقيل
واختص بالقيفان ذيب الذيابه

ابو سعد لاصار في وقتنا ميل
اللي مواقيفه شموخ ورحابه

الله يجيرك من صدوف المقابيل
يارمزنا اللي فالزمن ينغزابه

فالشعر سلمي ياكرام المسابيل
بحلف لكم باللي منزل كتابه

ماقد مدحت الا سيوفن مصاقيل
لن الكفو مدحته مثل العصابه

ع الراس تقديره محيل الحلاحيل
لاصار فالميراد دور ورقابه

والله ان يوردها نهار التهاويل
فالخير خير وفالحرابه حرابه

فالقاف في شرواك مثل المخاييل
اللي بها البراق ليله سرابه

واختامها يبن الرجال الحلاحيل
اذا حصل فالقاف قصر وماشابه

العذر منك اذا قصرت المحاصيل
فشرواك يدمح زلته للقرابه .

عثمان مبارك خويتم




رد مع اقتباس